ಮುಖಕ್ಕೆ ನೈಸರ್ಗಿಕ ಹೊಳಪು ನೀಡಲು ಶಂಖಪುಷ್ಪ ಹೂಗಳ ಫೇಸ್ ಸೀರಮ್ ಹಚ್ಚಿ

CHITRADURGA NEWS | 12 SEPTEMBER 2026

ಅನೇಕರು ಹೊಳೆಯುವ ಮತ್ತು ಮೃದುವಾದ ಚರ್ಮಕ್ಕಾಗಿ ಯಾವಾಗಲೂ ದುಬಾರಿ ಉತ್ಪನ್ನಗಳನ್ನು ಖರೀದಿಸಿ ಬಳಸುತ್ತಾರೆ. ಇದು ಚರ್ಮವನ್ನು ಹೊಳಪಾಗಿಸುವ ಬದಲು ಮತ್ತಷ್ಟು ಹಾನಿಮಾಡುತ್ತದೆ. ಹಾಗಾಗಿ ನೈಸರ್ಗಿಕ ಪದಾರ್ಥಗಳನ್ನು ಬಳಸಿ ಚರ್ಮದ ಅಂದ ಹೆಚ್ಚಿಸಿಕೊಳ್ಳಿ. ಅದಕ್ಕೆ ನೀವು ಶಂಖಪುಷ್ಪ ಹೂಗಳನ್ನು ಬಳಸಬಹುದು. ಇದರಿಂದ ತಯಾರಿಸಿದ ಫೇಸ್ ಸೀರಮ್ ಅನ್ನು ಚರ್ಮದ ಆರೈಕೆಯ ದಿನಚರಿಯಲ್ಲಿ ಸೇರಿಸಿಕೊಳ್ಳಬಹುದು. ನೀವು ಈ ಸೀರಮ್ ಅನ್ನು ಒಮ್ಮೆ ಬಳಸಿದ ನಂತರ, ನಿಮ್ಮ ಚರ್ಮವು ಹೊಳೆಯುತ್ತದೆ. ಹಾಗಾದ್ರೆ ಅದನ್ನು ತಯಾರಿಸುವುದು ಹೇಗೆ? ಎಂಬುದನ್ನು ತಿಳಿದುಕೊಳ್ಳಿ.

ಮನೆಯಲ್ಲಿ ಶಂಖಪುಷ್ಪಗಳ ಫೇಸ್ ಸೀರಮ್ ತಯಾರಿಸುವುದು ಹೇಗೆ?

ಶಂಖಪುಷ್ಪ ಹೂವುಗಳು ನೀಲಿ ಬಣ್ಣ ಮತ್ತು ಆಂಥೋಸಯಾನಿನ್‌ಗಳಂತಹ ಆ್ಯಂಟಿ ಆಕ್ಸಿಡೆಂಟ್‍ಗಳಿಂದ ಸಮೃದ್ಧವಾಗಿದೆ. ಹಾಗೇ ಅಗಸೆ ಬೀಜಗಳನ್ನು ನೀರಿನಲ್ಲಿ ಬೇಯಿಸಿದಾಗ ಜೆಲ್ ತರಹದ ವಿನ್ಯಾಸವನ್ನು ರೂಪಿಸುತ್ತದೆ. ಇದು ಚರ್ಮವನ್ನು ತೇವಗೊಳಿಸಲು ಸಹಾಯ ಮಾಡುತ್ತದೆ. ಇವೆರಡನ್ನೂ ಸೇರಿಸಿ ಮನೆಯಲ್ಲಿಯೇ ಸೀರಮ್ ಅನ್ನು ತಯಾರಿಸಬಹುದು.

ಒಂದು ಪಾತ್ರೆಯಲ್ಲಿ ಒಂದು ಲೋಟ ನೀರು ಬಿಸಿ 

ತೆಗೆದುಕೊಳ್ಳಿ. ಅದಕ್ಕೆ ಒಂದು ಟೀಚಮಚ ಅಗಸೆ ಬೀಜಗಳು ಮತ್ತು ಒಂದು ಹಿಡಿ ಶಂಖಪುಷ್ಪ ಹೂವುಗಳನ್ನು ಸೇರಿಸಿ. ಕಡಿಮೆ ಉರಿಯಲ್ಲಿ 7-8 ನಿಮಿಷ ಬೇಯಿಸಿ. ಮಿಶ್ರಣವನ್ನು ಸೋಸಿ, ಸಂಪೂರ್ಣವಾಗಿ ತಣ್ಣಗಾಗಿಸಿ, ನಂತರ ಅದನ್ನು ಶುದ್ಧ, ಗಾಳಿಯಾಡದ ಪಾತ್ರೆಯಲ್ಲಿ ಹಾಕಿ ರೆಫ್ರಿಜರೇಟರ್‌ನಲ್ಲಿ ಸಂಗ್ರಹಿಸಿ.

ಈ ಸೀರಮ್ ಅನ್ನು ರೆಫ್ರಿಜರೇಟರ್‌ನಲ್ಲಿ ಸುಮಾರು 3 ರಿಂದ 5 ದಿನಗಳವರೆಗೆ ಸಂಗ್ರಹಿಸಬಹುದು. ಬಳಸುವ ಮೊದಲು ಅದರ ವಾಸನೆ ಮತ್ತು ವಿನ್ಯಾಸವನ್ನು ಪರೀಕ್ಷಿಸಲು ಮರೆಯದಿರಿ. ವಾಸನೆ ಅಥವಾ ವಿನ್ಯಾಸ ಬದಲಾದರೆ ಅದನ್ನು ನಿಮ್ಮ ಚರ್ಮಕ್ಕೆ ಹಚ್ಚಬೇಡಿ.

ಚರ್ಮಕ್ಕೆ ಹೇಗೆ ಹಚ್ಚುವುದು?

ಮುಖ ತೊಳೆದ ನಂತರ, ನಿಮ್ಮ ಮುಖಕ್ಕೆ 2-3 ಹನಿ ಸೀರಮ್ ಹಚ್ಚಿ ನಿಧಾನವಾಗಿ ಮಸಾಜ್ ಮಾಡಿ. ನಂತರ ಮಾಯಿಶ್ಚರೈಸರ್ ಹಚ್ಚಿ. ಮೊದಲ ಬಾರಿಗೆ ಬಳಸುವ ಮೊದಲು ಪ್ಯಾಚ್ ಟೆಸ್ಟ್ ಮಾಡುವುದು ಉತ್ತಮ. ನೆನಪಿನಲ್ಲಿಡಿ, ಇದು ಮನೆಮದ್ದು ಮತ್ತು ಎಲ್ಲರ ಚರ್ಮದ ಮೇಲೆ ಒಂದೇ ರೀತಿ ಕೆಲಸ ಮಾಡದಿರಬಹುದು.