‘ನಾನು ಸೋಮನಹಳ್ಳಿ ಮಠದ ಶ್ರೀಶೈಲ ಆರಾಧ್ಯ ಅಂತ’ …ಗುರುವಿನ ಮೊದಲ ಮಾತು ಸ್ಮರಿಸಿದ ಶಿಷ್ಯ ಡಾ.ಸಂಗೇನಹಳ್ಳಿ ಅಶೋಕ್ ಕುಮಾರ್ ‌| ಅಕ್ಷರ ನಮನ

ಚಿತ್ರದುರ್ಗನ್ಯೂಸ್‌.ಕಾಂ

ಸಾಹಿತ್ಯ ಲೋಕದ ‘ಸಿರಿ’ ಕನ್ನಡ ಮೇಷ್ಟ್ರು ಪ್ರೊ.ಎಚ್‌.ಶ್ರೀಶೈಲ ಆರಾಧ್ಯ ಅವರ ಅಗಲಿಕೆ ಅವರಿಂದ ಕಲಿತ ಶಿಷ್ಯದಿರನ್ನು ಇನ್ನಿಲ್ಲದಂತೆ ಕಾಡುತ್ತಿದೆ. ನಿವೃತ್ತ ಪ್ರಾಧ್ಯಾಪಕ ಡಾ.ಸಂಗೇನಹಳ್ಳಿ ಅಶೋಕ ಕುಮಾರ್ ‘ಚಿತ್ರದುರ್ಗನ್ಯೂಸ್.ಕಾಂ’ ಮೂಲಕ ಸಾಹಿತ್ಯ ದಾರಿಗೆ ತಂದು ನಿಲ್ಲಿಸಿದ ಗುರುವಿಗೆ ಅಕ್ಷರ ನಮನ ಸಲ್ಲಿಸಿದ್ದಾರೆ. ಅವರ ಸಾಲುಗಳು ಮುಂದಿನಂತೆ.

ಅಗಲಿಕೆಗೆ ಅಕ್ಷರ ನಮನಗಳು… ನಾನಾಗ ಪದವಿ ವಿದ್ಯಾರ್ಥಿ, ಎಪ್ಪತ್ತೆ ದಶಕ. ಶ್ರೀಯುತ ಆರಾಧ್ಯರು ತರಗತಿಗೆ ಬಂದವರೆ ಪರಿಚಯಿಸಿಕೊಂಡಿದ್ದು ನಾನು ಸೋಮನಹಳ್ಳಿ ಮಠದ ಶ್ರೀಶೈಲ ಆರಾಧ್ಯ ಅಂತ. ಅವರ ಆ ಮಾತುಗಳು ಒಂದು ತರಹದ ಗತ್ತಿನಿಂದಲೇ ತುಟಿಗಳನ್ನು ಹಿಗ್ಗಿಸಿದಂತೆ (ಮುಚ್ಚಿಕೊಂಡೆ) ಕಃಬಣ್ಣಗಳನ್ನು ಅರಳಿಸಿ ಹೇಳಿ ಪರಿಚಯಿಸಿಕೊಂಡ ಆ ಮುಖದ ಚಿತ್ರದ ನನ್ನ ಮನಸ್ಸಿನಲ್ಲಿ ಇನ್ನೂ ಮಾಸಿಲ್ಲ.

ಇದನ್ನೂ ಓದಿ: ನಾಲೆ ದಡ ಒಡೆದು ನುಗ್ಗುತ್ತಿವೆ ಟ್ರಾಕ್ಟರ್‌‌ | ಹೂಳು ತೆಗೆಯುವ ಅವೈಜ್ಞಾನಿಕ ಕ್ರಮಕ್ಕೆ ಆಕ್ರೋಶ

ವಿದ್ಯಾರ್ಥಿಗಳನ್ನು ಮಾತಾಡಿಸುತ್ತಿದ್ದದ್ದು ಏನ್ರೀ ಅಂತಾನೆ. ಪಾಠ ಮಾಡುವಲ್ಲಿ ದಕ್ಷತೆ, ಶಿಸ್ತು ಬದ್ಧ ಗತ್ತಿನ ನಡೆ, ಮಾಸದೆ ಸುಕ್ಕಾಗದ ವಸ್ತ್ರ ಸಂಹಿತೆಯನ್ನು ಒಬ್ಬ ಉಪನ್ಯಾಸಕ ಹೇಗೆ ಕಾಪಾಡಿಕೊಳ್ಳಬೇಕು ಎಂಬುದಕ್ಕೆ ‘ರೋಲ್ ಮಾಡಲ್‌’ ಅಂದ ತಕ್ಷಣ ಕಣ್ಮುಂದೆ ಬರುವುದು ನನ್ನ ನೆಚ್ಚಿನ ಗುರುಗಳಾದ ಶ್ರೀಶೈಲ ಆರಾಧ್ಯರದು. ಅವರ ಜೊತೆ ನಾನು ಕೂಡ ಉಪನ್ಯಾಸಕನಾಗಿ ಸೇವೆ ಸಲ್ಲಿಸಿದ್ದು ನನ್ನ ಸೌಭಾಗ್ಯ.

ವಿದ್ಯಾರ್ಥಿಗಳ ಜೊತೆ ಸ್ನೇಹಭಾವ ಆತ್ಮೀಯ ಮಾತುಕತೆ, ಹೊಸ ಸಂಚಾರ, ಜೋಗಿಮಟ್ಟಿಗೆ ಹೋಗಿದ್ದಾಗ ಹೆಗಲ ಮೇಲೆ ಕೈ ಹಾಕಿಕೊಂಡು ಸೀದಾಸಾದಾ ವಿಷಯಗಳನ್ನು ಚರ್ಚಿಸುತ್ತಾ ಗುರು–ಶಿಷ್ಯರ ನಡುವೆ ಇರುವ ಇರಬೇಕಾದ ಒಬ್ಬರಿಗೊಬ್ಬರು ಹೆಗಲಾಗಿರಬೇಕೆಂದು, ಹಾಗೆ ನಡೆದುಕೊಂಡು ನಮಗೂ ಒಂದು ಸುಂಸ್ಕೃತ ನಡೆಯ ದಾರಿ ತೋರಿದ ಆ ವ್ಯಕ್ತಿತ್ವವನ್ನು ಮರೆಯಲಾದೀತೆ. ನೂರಾರು ಅಂಶವನ್ನು ನನ್ನ ಉಪನ್ಯಾಸಕ ವೃತ್ತಿಯಲ್ಲಿ ಅಳವಡಿಸಿಕೊಳ್ಳಲು ಪ್ರೇರಕ ಶಕ್ತಿ ಎಂದರೆ ಆಶ್ಚರ್ಯ ಪಡೆಬೇಕಿಲ್ಲ.

ಇದನ್ನೂ ಓದಿ: ರಾಜ್ಯ ಬಿಜೆಪಿ ವಕ್ತಾರರಾಗಿ ಕೆ.ಎಸ್‌.ನವೀನ್ ನೇಮಕ | ರಾಜ್ಯಾಧ್ಯಕ್ಷ ಬಿ.ವೈ.ವಿಜಯೇಂದ್ರ ಆದೇಶ

ತನ್ನ ವಿದ್ಯಾರ್ಥಿಯೊಬ್ಬ ತನ್ನ ಜೊತೆ ಉಪನ್ಯಾಸಕನಾದಾಗ ಅವರು ಪಡುತ್ತಿದ್ದ ಸಡಗರ , ಸಂತೋಷ, ಸಂಭ್ರಮ ಹೇಗಿತ್ತೆಂದರೆ– ತನ್ನ ಶಿಷ್ಯರು ಪಾಠ ಮಾಡುವ ಪರಿಯನ್ನು ನೋಡಿ ಸಂತೋಷಪಟ್ಟು ಲಕ್ಷ್ಮಿ ಟಿಫನ್ ರೂಂಗೆ ಕರೆದುಕೊಂಡು ಹೋಗಿ ಖಾಲಿ ದೋಸೆ ಕೊಡಿಸಿದ್ದರು. ಅವರದ್ದು ಸಂಭ್ರಮಿಸುವ ಪ್ರಾಂಜಲ ಮನ.

ಸಂಶೋಧಕರಿಗೆ ಸಿಗಬೇಕಾದ ನಿಜ ಗೌರವ ಈ ವಿದ್ವದ್ವಲಯದಲ್ಲಿ ಸಿಗಲಿಲ್ಲ ಎಂಬ ನೋವಿ ನನ್ನಂಥ ಹಲವು ವಿದ್ಯಾರ್ಥಿ ಬಳಗಕ್ಕೆ ಇದ್ದೇ ಇದೆ. ಅವರ ಅಗಲಿಕೆ ಸೃಷ್ಟಿಸಿದ ಕಂದಕ ತುಂಬುವವರ‍್ಯಾರು. ಈ ಮೂಲಕ ಅವರ ಅಗಲಿಕೆಗೆ ಅಕ್ಷರ ನಮನ ಸಲ್ಲಿಸುತ್ತೇನೆ.
– ಡಾ.ಸಂಗೇನಹಳ್ಳಿ ಅಶೋಕ ಕುಮಾರ್‌.