JEE 2ನೇ ಹಂತದ ಮೇನ್ಸ್‌ ಪರೀಕ್ಷೆಯಲ್ಲಿ SRS ಕಾಲೇಜಿಗೆ 40ನೇ ರ್ಯಾಂಕ್‌

CHITRADURGA NEWS | 20 APRIL 2025

ಚಿತ್ರದುರ್ಗ: ರಾಷ್ಟ್ರಮಟ್ಟದ ಜೆಇಇ 2ನೇ ಹಂತದ ಮೇನ್ಸ್‌ ಪರೀಕ್ಷೆಯಲ್ಲಿ ಎಸ್‌ ಆರ್‌ ಎಸ್‌ ಪಿಯು ಕಾಲೇಜು 40ನೇ ರ್ಯಾಂಕ್‌ ಪಡೆದುಕೊಂಡಿದೆ.

Also Read: ಚಳ್ಳಕೆರೆ ಗೇಟ್ ಬಳಿ ಬಸ್ ತಂಗುದಾಣ ನಿರ್ಮಾಣಕ್ಕೆ ಕ್ರಮ ವಹಿಸಿ | ಡಿಸಿ 

ನಗರದ ಎಸ್‌ ಆರ್‌ ಎಸ್‌ ಪಿಯು ಕಾಲೇಜಿನ ವಿದ್ಯಾರ್ಥಿಗಳು ಇದೇ ಏಪ್ರಿಲ್‌ನಲ್ಲಿ ನಡೆದ ಜೆಇಇ 2ನೇ ಹಂತದ ಮೇನ್ಸ್ ಪರೀಕ್ಷೆಯಲ್ಲಿ (ರಾಷ್ಟ್ರೀಯ ಅರ್ಹತಾ ಪರೀಕ್ಷೆ) ಅತ್ಯುತ್ತಮ ರ್ಯಾಂಕ್‌ ಗಳಿಸುವ ಮೂಲಕ ಜೆಇಇ ಅಡ್ಡಾನ್ಸ್ಡ್‌ ಪರೀಕ್ಷೆಗೆ ಅರ್ಹತೆ ಪಡೆಯುವ ಮೂಲಕ ಜಿಲ್ಲೆಗೆ ಕೀರ್ತಿ ತಂದಿದ್ದಾರೆ.

ಈ ಕಾಲೇಜಿನಲ್ಲಿ ವಿದ್ಯಾಭ್ಯಾಸ ಮಾಡಿದ ವಿದ್ಯಾರ್ಥಿಗಳು ಐಐಟಿ ಮುಂಬ್ಯೆ, ಖರಗ್‌ಪುರ್‌, ಲಕ್ನೊ ದಲ್ಲಿ ತರಬೇತಿ ಪಡೆಯುತ್ತಿದ್ದು, ಪ್ರಸಕ್ತ ಸಾಲಿನಲ್ಲಿ ಒಟ್ಟು 40 ವಿದ್ಯಾರ್ಥಿಗಳು ಜೆಇಇ ಮೇನ್ಸ್‌ ನಿಂದ ಐಐಟಿ ಅಡ್ಡಾನ್ಸ್ಡ್‌ ಗೆ ಅರ್ಹತೆ ಪಡೆದಿದ್ದಾರೆ.

ಕೆ.ಪಿ. ಪೂಜಿತ್‌ ಕುಲಾಲ್‌ 40ನೇ ಆಲ್‌ ಇಂಡಿಯಾ ರ್ಯಾಂಕ್‌, ಎನ್.ವೈ.ಆನಂದ್‌ 354, ಪ್ರಜ್ವಲ್‌ 1600, ಎ.ಮಹಾಲಕ್ಷ್ಮಿ 1702, ಪ್ರವೀಣ್‌ ತಳವಾರ-1965, ನೀಲಾಂಬಿಕಾ ತಳವಾರ 3683, ಟಿ.ಎಂ.ರಕ್ಷೀತಾ 4209, ಆದಿತ್ಯ ಎಸ್‌ ರಾಮ್‌ 4372, ಬಿ.ನಯನ 4411, ಟಿ.ಛಾಯಾ 4751, ಕೆ.ಪಿ.ಸ್ನೇಹ 4902ನೇ ಆಲ್ ಇಂಡಿಯಾ ರ್ಯಾಂಕ್ ಗಳಿಸುವ ಮೂಲಕ ಐಐಟಿ ಅಡ್ಡಾನ್ಸ್ಡ್‌ ಗೆ ಅರ್ಹತೆ ಪಡೆದಿದ್ದಾರೆ.

Also Read: ಜೆಎಂಐಟಿ ಬಳಿ Sky walk | ಟೆಂಡರ್ ಪ್ರಕ್ರಿಯೆ ನಡೆಸಿ, ಕಾಮಗಾರಿ ಪ್ರಾರಂಭಿಸಿ | ಡಿಸಿ ವೆಂಕಟೇಶ್

ರ್ಯಾಂಕ್‌ ಪಡೆದವರು ಪ್ರತಿಷ್ಠಿತ ಐಐಟಿ ಕಾಲೇಜುಗಳಲ್ಲಿ ಸ್ಥಾನ ಪಡೆಯುವ ನಿರೀಕ್ಷೆಯಲ್ಲಿದ್ದಾರೆ.

ಸಂಸ್ಥೆಯ ಅಧ್ಯಕ್ಷ ಬಿ.ಎ.ಲಿಂಗಾರೆಡ್ಡಿ, ಕಾರ್ಯದರ್ಶಿಗಳಾದ ಸುಜಾತ ಲಿಂಗಾರೆಡ್ಡಿ, ಉಪಾಧ್ಯಕ್ಷ ಬಿ.ಎಲ್‌.ಅಮೋಘ್‌ ಸೇರಿದಂತೆ ಕಾಲೇಜು ಸಿಬ್ಬಂದಿಯವರು ರ್ಯಾಂಕ್‌ ಪಡೆದ ವಿದ್ಯಾರ್ಥಿಗಳಿಗೆ ಅಭಿನಂದಿಸಿದ್ದಾರೆ.