ಅಡಿಕೆ ವ್ಯಾಪಾರಿ ದರೋಡೆಗೆ ಸ್ಕೆಚ್‌ | ಮೂವರ ಬಂಧನ, ಸಿರಿಗೆರೆ, ಭರಮಸಾಗರ ಪೊಲೀಸರ ಕಾರ್ಯಚರಣೆ

CHITRADURGA NEWS | 17 JULY 2025

ಚಿತ್ರದುರ್ಗ: ಅಡಿಕೆ ವ್ಯಾಪಾರಿಯೊಬ್ಬ ಈ ಮಾರ್ಗದಲ್ಲಿ ಹಣ ತೆಗೆದುಕೊಂಡು ಬರುವ ಮಾಹಿತಿ ಅರಿತ ಕಳ್ಳರ ಗ್ಯಾಂಗ್‌ ಚಿತ್ರದುರ್ಗ ಜಿಲ್ಲೆಯ ಸಿರಿಗೆರೆ ಬಳಿ ಕಾರು ನಿಲ್ಲಿಸಿಕೊಂಡು ಕಾಯುತ್ತಿದ್ದ ಆತಂಕಕಾರಿ ಮಾಹಿತಿ ಹೊರಬಿದ್ದಿದೆ.

ಅದೃಷ್ಟವಶಾತ್‌ ಸಾರ್ವಜನಿಕರು ಗಮನಿಸಿ ತಕ್ಷಣಕ್ಕೆ ಸಿರಿಗೆರೆ ಹೊರ ಠಾಣೆ ಪೊಲೀಸರಿಗೆ ಮಾಹಿತಿ ನೀಡಿದ್ದು, ತಕ್ಷಣ ಕಾರ್ಯಾಚರಣೆ ಮಾಡಿದ ಪೊಲೀಸರು ಕಾರು ಸಮೇತ ಮೂರು ಜನರನ್ನು ಬಂಧಿಸಿದ್ದಾರೆ. ಇನ್ನೂ ಐದು ಜನ ತಪ್ಪಿಸಿಕೊಂಡು ಓಡಿ ಹೋಗಿದ್ದಾರೆ.

ಇದನ್ನೂ ಓದಿ: ಇಂದಿನ ಅಡಿಕೆ ಮಾರುಕಟ್ಟೆ | ಯಾವ ಅಡಿಕೆಗೆ ಎಷ್ಟು ರೇಟ್‌

ಸಿರಿಗೆರೆ ಸಮೀಪದ ಅಳಗವಾಡಿ ಗ್ರಾಮದ ಕಡೆಗೆ ಹೋಗುವ ಮಾರ್ಗದ ಹಳ್ಳದ ಬದಿ ಕಾರು ನಿಂತಿದ್ದು, ಕಾರಿನ ಹಿಂದೆ ಮತ್ತು ಮುಂದಿನ ನಂಬರ್‌ ಪ್ಲೇಟ್‌ಗೆ ಕೆಸರು ಮೆತ್ತಿ ಕಾಣಸಿದಂತೆ ಮಾಡಿಕೊಂಡಿದ್ದಾರೆ. ಇದನ್ನು ಗಮನಿಸಿದ ಲೋಹಿತ್‌ ಎಂಬುವವರು ಅನುಮಾನಗೊಂಡು ಸಿರಿಗೆರೆ ಪೊಲೀಸ್‌ ಠಾಣೆಗೆ ಮಾಹಿತಿ ನೀಡಿದ್ದಾರೆ.

ಕಾರ್ಯಪ್ರವೃತ್ತರಾದ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಕಾರು ಸಮೇತ ಮೂರು ಜನರನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.

ಇದನ್ನೂ ಓದಿ: ವಾಕ್‌ ಮಾಡುತ್ತಿದ್ದ ಮಹಿಳೆಯ ಮಾಂಗಲ್ಯ ಸರ ಕದ್ದು ಕಳ್ಳರು ಪರಾರಿ

ಶಿವಮೊಗ್ಗದ ಕಾರ್ತಿಕ್‌, ಭದ್ರಾವತಿಯ ಮದನ್‌, ಹರೀಶ್‌ ಎಂಬುವವರನ್ನು ಬಂದಿಸಿದ್ದು, ಇನ್ನೂ ಐದು ಜನ ತಪ್ಪಿಸಿಕೋಂಡಿದ್ದಾರೆ. ಅವರ ಪತ್ತೆಗೆ ಪೊಲೀಸರು ಬಲೆ ಬೀಸಿದ್ದಾರೆ.

ಮೂರು ಜನರನ್ನು ಠಾಣೆಗೆ ಕರೆತಂದು ವಿಚಾರಣೆ ನಡೆಸಿದಾಗ ಈ ಮಾರ್ಗದಲ್ಲಿ ಅಡಿಕೆ ವ್ಯಾಪಾರಿಯೊಬ್ಬರು ಹಣದೊಂದಿಗೆ ಬರುವ ಮಾಹಿತಿ ಇದ್ದಿದ್ದರಿಂದ ಕಾಯುತ್ತಿರುವುದಾಗಿ ತಿಳಿಸಿದ್ದಾರೆ.

ಕಾರಿನ ಡಿಕ್ಕಿಯಲ್ಲಿ ಮೂರು ಲಾಂಗ್‌(ಮಚ್ಚು), ಕಾರದ ಪುಡು, ಡ್ರ್ಯಾಗನ್‌ ನೈಫ್‌(ಚಾಕು) ಸೇರಿದಂತೆ ಮಾರಕಾಸ್ತ್ರಗಳನ್ನು ಹೊಂದಿದ್ದು, ಪೊಲೀಸರು ಪಂಚನಾಮೆ ನಡೆಸಿ ವಶಕ್ಕೆ ಪಡೆದುಕೊಂಡಿದ್ದಾರೆ.

ಬಂಧಿತ ಮೂರು ಜನರನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದಾರೆ. ಈ ಬಗ್ಗೆ ಭರಮಸಾಗರ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಾಗಿದೆ.