ಫೆ.28 ರಂದು ಅಪರೂಪದ ಗ್ರಹಗಳ ಪರೇಡ್

CHITRADURGA NEWS | 26 FEBRUARY 2026

ಚಿತ್ರದುರ್ಗ: ಫೆಬ್ರವರಿ 28 ರ ಸಂಜೆಯ ಆಕಾಶದಲ್ಲಿ ಚಮತ್ಕಾರ ಸಂಭವಿಸಲಿದೆ. ಆ ದಿನದಂದು ಗ್ರಹಗಳ ಪರೇಡ್ ಅಂದರೆ ಒಂದೇ ಸಾಲಿನಲ್ಲಿ 6 ಗ್ರಹಗಳನ್ನು ಬರಿಗಣ್ಣಿನಲ್ಲಿ ನೋಡಬಹುದಾಗಿದೆ ಎಂದು ಹವ್ಯಾಸಿ ಖಗೋಳ ವೀಕ್ಷಕ ಎಚ್.ಎಸ್. ಟಿ.ಸ್ವಾಮಿ ತಿಳಿಸಿದ್ದಾರೆ. 

ಇದನ್ನೂ ಓದಿ: ಎರಡು ದಿನ‌‌ ಚಿತ್ರದುರ್ಗಕ್ಕೆ ನೀರು ಸ್ಥಗಿತ | ಸೂಳೆಕೆರೆ ಮುಖ್ಯ ಕಾಲುವೆ ಕಾಮಗಾರಿ ಹಿನ್ನೆಲೆ

ಅಂದು ಪಶ್ಚಿಮ ದಿಗಂತದ ಕಡೆ ಕಣ್ಣು ಹಾಯಿಸಿದರೆ, ದಿಗಂತದಲ್ಲಿ ಬುಧ, ಹೊಳೆಯುವ ಶುಕ್ರ, ಕೆಂಪುಬಣ್ಣದ ಶನಿಗ್ರಹ, ತುಸು ಎತ್ತರದಲ್ಲಿ ಪ್ರಕಾಶಮಾನವಾಗಿ ಹೊಳೆಯುವ ಗುರುಗ್ರಹಗಳನ್ನು ನೋಡಬಹುದಾಗಿದೆ. 

ಈ ಅಪರೂಪದ ಜೋಡಣೆಯು ಬರಿಗಣ್ಣಿಗೆ ಒಂದು ರೇಖೆಯಂತೆ ಕಂಡರೂ, ವಾಸವದಲ್ಲಿ ಗ್ರಹಗಳು ಬಾಹ್ಯಾಕಾಶದಲ್ಲಿ ತಮ್ಮದೇ ಆದ ಕಕ್ಷೆಗಳಲ್ಲಿರುತ್ತವೆ. ಈ ಘಟನೆಯನ್ನು ಸಂಜೆ 6.30 ರಿಂದ 8 ಗಂಟೆಯವರೆಗೂ ಅರ್ಧ ಗಂಟೆಗಳ ಕಾಲ ನೋಡಬಹುದಾಗಿದೆ. 

ಇದನ್ನೂ ಓದಿ: ಹೊಳಲ್ಕೆರೆ | ನ್ಯಾಯಾಲಯ ಆವರಣದಲ್ಲಿ ಕ್ಯಾಂಟೀನ್ ನಡೆಸಲು ದರಪಟ್ಟಿ ಆಹ್ವಾನ

ಯುರೇನಸ್ ಹಾಗೂ ನೆಪ್ಚೂನ್ ಗ್ರಹಗಳನ್ನು ಬೈನಾಕ್ಯುಲರ್ ಇಲ್ಲವೇ ಉತ್ತಮ ದೂರದರ್ಶಕಗಳ ಮೂಲಕವೇ ನೋಡಬೇಕು. ಮತ್ತೆ ಈ ಘಟನೆ ನೋಡಲು 2040 ರ ತನಕ ಕಾಯಬೇಕು ಎಂದು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.