ಬೆವರಿನಿಂದ ನಿಮ್ಮ ಕೂದಲಿನಲ್ಲಿ ವಾಸನೆ ಬರುತ್ತದೆಯೇ? ಹಾಗಾದ್ರೆ ಅಡುಗೆಮನೆಯಲ್ಲಿ ಸಿಗುವ ಈ ಪದಾರ್ಥವನ್ನು ಬಳಸಿ

CHITRADURGA NEWS | 22 JUNE 2026

ಬೆವರಿನಿಂದ ಚರ್ಮದ ಸಮಸ್ಯೆ ಕಾಡುವುದು ಮಾತ್ರವಲ್ಲ ಕೂದಲಿನ ಮಸ್ಯೆಗಳು ಉಂಟಾಗುತ್ತದೆ. ತಲೆಯಲ್ಲಿ ಹೆಚ್ಚು ಬೆವರು ಸುರಿದಾಗ ಅಲ್ಲಿ ಕೂದಲು ಜಿಗುಟಾಗಿ ವಾಸನೆ ಬರುತ್ತದೆ. ಇದರಿಂದ ಜನರ ಮಧ್ಯದಲ್ಲಿ ಹೋಗುವಾಗ ನಿಮಗೆ ಮುಜುಗರವನ್ನುಂಟುಮಾಡುತ್ತದೆ. ಕೆಲವೊಮ್ಮೆ, ಪರಿಸ್ಥಿತಿ ಎಷ್ಟು ಹದಗೆಡುತ್ತದೆಯೆಂದರೆ, ಶಾಂಪೂ ಮಾಡಿದ ಮರುದಿನವೇ ಕೂದಲು ಎಣ್ಣೆಯುಕ್ತವಾಗಿ ವಿಚಿತ್ರವಾದ ವಾಸನೆಯನ್ನು ಉಂಟುಮಾಡಬಹುದು. ಇಂತಹ ಸಮಸ್ಯೆಯಿಂದ ಬೇಸತ್ತಿರುವವರು ನಿಮ್ಮ ಅಡುಗೆಮನೆಯಲ್ಲಿಯೇ ಸಿಗುವಂತಹ ಆಪಲ್ ಸೈಡರ್ ವಿನೆಗರ್ ಅನ್ನು ಬಳಸಿ. ಇದು ನಿಮ್ಮ ಕೂದಲನ್ನು ವಾರಗಳವರೆಗೆ ತಾಜಾ, ಹೊಳೆಯುವ ಮತ್ತು ಪರಿಮಳಯುಕ್ತವಾಗಿಡುತ್ತದೆ. ಹಾಗಾದ್ರೆ ಅದು ಹೇಗೆ ಪ್ರಯೋಜನಕಾರಿ? ಮತ್ತು ಬಳಸುವುದು ಹೇಗೆ ಎಂಬುದನ್ನು ತಿಳಿಯೋಣ.

ಆಪಲ್ ಸೈಡರ್ ವಿನೆಗರ್ ಕೂದಲಿಗೆ ಏಕೆ ಪ್ರಯೋಜನಕಾರಿ?

ಪಿಹೆಚ್‍ ಮಟ್ಟವನ್ನು ಸುಧಾರಿಸುತ್ತದೆ – ಆಪಲ್ ಸೈಡರ್ ವಿನೆಗರ್ ಆಮ್ಲೀಯವಾಗಿದ್ದು ನೆತ್ತಿಯ ಪಿಹೆಚ್‍ ಮಟ್ಟವನ್ನು ಸಮತೋಲನಗೊಳಿಸುತ್ತದೆ. ಹೆಚ್ಚುವರಿ ಎಣ್ಣೆ ಉತ್ಪಾದನೆಯನ್ನು ತಡೆಯುತ್ತದೆ.

ವಾಸನೆ ಮತ್ತು ಬ್ಯಾಕ್ಟೀರಿಯಾವನ್ನು ನಿವಾರಿಸುತ್ತದೆ – ಇದು ಬ್ಯಾಕ್ಟೀರಿಯಾ ವಿರೋಧಿ ಮತ್ತು ಶಿಲೀಂಧ್ರ ವಿರೋಧಿ ಗುಣಗಳನ್ನು ಹೊಂದಿದ್ದು, ಬೆವರಿನಿಂದ ಉಂಟಾಗುವ ಬ್ಯಾಕ್ಟೀರಿಯಾ ಮತ್ತು ಶಿಲೀಂಧ್ರವನ್ನು ನಿವಾರಿಸುತ್ತದೆ. ಇದು ಕೂದಲಿನ ವಾಸನೆಯನ್ನು ನಿವಾರಿಸುತ್ತದೆ.

ನೈಸರ್ಗಿಕ ಕ್ಲೆನ್ಸರ್ – ಇದು ನೆತ್ತಿಯ ಮೇಲೆ ಸಂಗ್ರಹವಾದ ಕೊಳೆ ಮತ್ತು ತಲೆಹೊಟ್ಟುಗಳನ್ನು ಸ್ವಚ್ಛಗೊಳಿಸುತ್ತದೆ. ಇದು ಕೂದಲಿಗೆ ತಾಜಾತನದ ಭಾವನೆಯನ್ನು ನೀಡುತ್ತದೆ.

ಅದನ್ನು ಬಳಸುವ ಸರಿಯಾದ ಮಾರ್ಗ 

ಆಪಲ್ ಸೈಡರ್ ವಿನೆಗರ್ ಅನ್ನು ನಿಮ್ಮ ಕೂದಲಿಗೆ ನೇರವಾಗಿ ಬಳಸಬಾರದು. ಏಕೆಂದರೆ ಅದು ಸಾಕಷ್ಟು ಬಲವಾಗಿರುತ್ತದೆ. ಬಳಸುವ ಮೊದಲು ಯಾವಾಗಲೂ ನೀರಿನೊಂದಿಗೆ ಮಿಕ್ಸ್ ಮಾಡಿ ಬಳಸಿ. 1 ರಿಂದ 2 ಟೀ ಚಮಚ ಆಪಲ್ ಸೈಡರ್ ವಿನೆಗರ್‍ಗೆ 1 ಲೋಟ ಉಗುರು ಬೆಚ್ಚಗಿನ ನೀರು ಬೆರೆಸಿ. ಮೊದಲು, ನಿಮ್ಮ ಕೂದಲು ಮತ್ತು ನೆತ್ತಿಯನ್ನು ನಿಮ್ಮ ಸಾಮಾನ್ಯ ಸೌಮ್ಯವಾದ ಶಾಂಪೂ ಬಳಸಿ ಚೆನ್ನಾಗಿ ತೊಳೆಯಿರಿ. ಇದರಿಂದ ಮೇಲ್ಮೈಯಲ್ಲಿರುವ ಕೊಳೆಯನ್ನು ತೆಗೆದುಹಾಕಬಹುದು. 

ಶಾಂಪೂ ಮಾಡಿದ ನಂತರ, ಈ ಮಿಶ್ರಣವನ್ನು ನಿಮ್ಮ ಕೂದಲು ಮತ್ತು ನೆತ್ತಿಗೆ ನಿಧಾನವಾಗಿ ಸುರಿಯಿರಿ. ನಿಮ್ಮ ಬೆರಳುಗಳಿಂದ 1-2 ನಿಮಿಷಗಳ ಕಾಲ ನಿಮ್ಮ ನೆತ್ತಿಯನ್ನು ನಿಧಾನವಾಗಿ ಮಸಾಜ್ ಮಾಡಿ. ನಿಮ್ಮ ಕೂದಲಿನ ಮೇಲೆ 2 ರಿಂದ 3 ನಿಮಿಷಗಳ ಕಾಲ ಬಿಡಿ, ನಂತರ ಸಾಮಾನ್ಯ ಅಥವಾ ತಣ್ಣೀರಿನಿಂದ ಮತ್ತೆ ಚೆನ್ನಾಗಿ ತೊಳೆಯಿರಿ. ಇದರಿಂದ ನಿಮ್ಮ ಕೂದಲು ಬೇಗನೆ ಜಿಗುಟಾಗುವುದಿಲ್ಲ ಮತ್ತು ತಾಜಾತನ ಉಳಿಯುತ್ತದೆ.