ಒಣ, ಮಂದ ಮತ್ತು ಸುಕ್ಕುಗಟ್ಟಿದ ಕೂದಲಿಗೆ ಮನೆಯಲ್ಲಿ ತಯಾರಿಸಿದ ಕೆರಾಟಿನ್ ಮಾಸ್ಕ್ ಹಚ್ಚಿ

CHITRADURGA NEWS | 15 OCTOBER 2026

ಇಂದಿನ ಒತ್ತಡದ ಜೀವನಶೈಲಿ, ಧೂಳು, ಮಾಲಿನ್ಯ, ರಾಸಾಯನಿಕ ಆಧಾರಿತ ಉತ್ಪನ್ನಗಳು ಮತ್ತು ಶಾಖದ ಸ್ಟೈಲಿಂಗ್ ಪರಿಕರಗಳ ಅತಿಯಾದ ಬಳಕೆ ಕೂದಲಿನ ಹೊಳಪನ್ನು ಬಹುತೇಕ ಕಡಿಮೆಯಾಗಿದೆ. ಇದು ಕೂದಲು ತನ್ನ ನೈಸರ್ಗಿಕ ಕೆರಾಟಿನ್ ಅನ್ನು ಕಳೆದುಕೊಳ್ಳಲು ಕಾರಣವಾಗುತ್ತದೆ,. ಇದರಿಂದ ಕೂದಲು ಒಣಗುತ್ತದೆ, ನಿರ್ಜೀವವಾಗಿರುತ್ತದೆ.

ಅಲ್ಲದೇ ಸುಕ್ಕುಗಟ್ಟಿ ದುರ್ಬಲವಾಗಿರುತ್ತದೆ. ಆದರೆ ಇತ್ತೀಚಿನ ದಿನಗಳಲ್ಲಿ, ನಯವಾದ ಮತ್ತು ಹೊಳೆಯುವ ಕೂದಲನ್ನು ಮರಳಿಪಡೆಯಲು ಪಾರ್ಲರ್‌ಗಳಲ್ಲಿ ಕೆರಾಟಿನ್ ಚಿಕಿತ್ಸೆಗಳನ್ನು ಪಡೆಯುವುದು ಸಾಕಷ್ಟು ಟ್ರೆಂಡಿಯಾಗಿದೆ. ಆದರೆ, ಈ ಚಿಕಿತ್ಸೆಯು ತುಂಬಾ ದುಬಾರಿಯಾದ ಕಾರಣ ಇದನ್ನು ಮನೆಯಲ್ಲಿಯೇ ಮಾಡಬಹುದು. ಈ ನೈಸರ್ಗಿಕವಾದ ಕೆರಾಟಿನ್ ಮಾಸ್ಕ್ ಅನ್ನು ಮನೆಯಲ್ಲಿಯೇ ಹೇಗೆ ತಯಾರಿಸುವುದು ಎಂಬುದನ್ನು ತಿಳಿದುಕೊಳ್ಳಿ.

ಕೆರಾಟಿನ್ ಚಿಕಿತ್ಸೆ ಎಂದರೇನು?

ಕೆರಾಟಿನ್ ನಮ್ಮ ಚರ್ಮ, ಉಗುರುಗಳು ಮತ್ತು ವಿಶೇಷವಾಗಿ ನಮ್ಮ ಕೂದಲಿನಲ್ಲಿ ಕಂಡುಬರುವ ನೈಸರ್ಗಿಕ ಪ್ರೋಟೀನ್ ಆಗಿದೆ. ಕೂದಲಿಗೆ ಈ ಪ್ರೋಟೀನ್ ಕೊರತೆಯಿದ್ದರೆ, ಅದು ಸಿಕ್ಕಾಗುವುದು, ತುಂಡಾಗುವುದು ಮತ್ತು ಸುರುಳಿಗಳಿಗೆ ಕಾರಣವಾಗಬಹುದು. ಕೆರಾಟಿನ್ ಚಿಕಿತ್ಸೆಯು ಈ ಕೊರತೆಯನ್ನು ನೀಗಿಸಲು ಸಹಾಯ ಮಾಡುತ್ತದೆ . ಇದು ಕೂದಲಿನ ಹೊರ ಪದರದ ಮೇಲೆ ರಕ್ಷಣಾತ್ಮಕ ಪದರವನ್ನು ಸೃಷ್ಟಿಸುತ್ತದೆ, ಇದು ಅದನ್ನು ನಯವಾಗಿ ಮತ್ತು ಹೊಳೆಯುವಂತೆ ಮಾಡುತ್ತದೆ.

ಮನೆಯಲ್ಲಿಯೇ ಕೆರಾಟಿನ್ ಹೇರ್ ಮಾಸ್ಕ್ 

ತಯಾರಿಸುವುದು ಹೇಗೆ?

ಮನೆಯಲ್ಲಿ ನೈಸರ್ಗಿಕವಾಗಿ ಕೆರಾಟಿನ್ ಚಿಕಿತ್ಸೆಯನ್ನು ಮಾಡಲು, ಅಡುಗೆಮನೆಯಲ್ಲಿ ಲಭ್ಯವಿರುವ ಪದಾರ್ಥಗಳನ್ನು ಬಳಸಿಕೊಂಡು ನೀವು ಅದ್ಭುತವಾದ ಹೇರ್ ಮಾಸ್ಕ್ ಅನ್ನು ತಯಾರಿಸಬಹುದು.

ಬೇಕಾಗಿರುವ ಸಾಮಗ್ರಿಗಳು:

ಬಾಳೆಹಣ್ಣು, 2 ಟೀ ಚಮಚ ಅಲೋವೆರಾ ಜೆಲ್, 1 ಟೀಸ್ಪೂನ್ ಮೊಸರು, 1 ಟೀಸ್ಪೂನ್ ಜೇನುತುಪ್ಪ, 1 ಟೀಸ್ಪೂನ್ ತೆಂಗಿನ ಎಣ್ಣೆ, 1 ವಿಟಮಿನ್ ಇ ಕ್ಯಾಪ್ಸುಲ್

ಹೇರ್ ಮಾಸ್ಕ್ ಹಚ್ಚಿಕೊಳ್ಳುವ ಸರಿಯಾದ ವಿಧಾನ

ಈ ಎಲ್ಲಾ ನೈಸರ್ಗಿಕ ಪದಾರ್ಥಗಳನ್ನು ಚೆನ್ನಾಗಿ ಮಿಶ್ರಣ ಮಾಡಿ ಪೇಸ್ಟ್ ತಯಾರಿಸಿ. ಈ ಮಾಸ್ಕ್ ಅನ್ನು ಬೇರುಗಳಿಂದ ಕೂದಲಿನ ಸಂಪೂರ್ಣ ಉದ್ದಕ್ಕೂ ಚೆನ್ನಾಗಿ ಹಚ್ಚಿ. 30 ರಿಂದ 40 ನಿಮಿಷಗಳ ಕಾಲ ಹಾಗೆಯೇ ಬಿಡಿ. ನಂತರ, ನಿಮ್ಮ ಕೂದಲನ್ನು ಸೌಮ್ಯವಾದ ಶಾಂಪೂ ಬಳಸಿ ತೊಳೆಯಿರಿ. ಈ ಮಾಸ್ಕ್ ನಿಮ್ಮ ಕೂದಲನ್ನು ಆಳವಾಗಿ ಕಂಡಿಷನರ್ ಮಾಡುತ್ತದೆ ಮತ್ತು ಕೆರಾಟಿನ್ ಮಟ್ಟವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ.