ಭದ್ರಾ ಮೇಲ್ದಂಡೆ ನೀರು ಹರಿಯಲು ದಿನಾಂಕ ಫಿಕ್ಸ್‌ | ಚಿತ್ರದುರ್ಗ ಶಾಖಾ ಕಾಲುವೆಯಿಂದ ಕೆರೆಗಳಿಗೆ ನೀರು

CHITRADURGA NEWS | 4 SEPTEMBER 2026

ಚಿತ್ರದುರ್ಗ: ದಶಕಗಳ ಕಾಯುವಿಕೆಗೆ ವಿರಾಮ ಹಾಕುವ ಸಮಯ ಹತ್ತಿರವಾಗುತ್ತಿದೆ. ಬರದ ನಾಡಿಗೆ ಭದ್ರೆ ಹರಿಯಲು ದಿನಾಂಕ ನಿಗಧಿಯಾಗಿದೆ.

ಸೆಪ್ಟಂಬರ್ 6 ಭಾನುವಾರವೇ ಜಿಲ್ಲೆಯತ್ತ ಭದ್ರೆ ಮುಖ ಮಾಡಲಿದ್ದು, ಒಂದು ವಾರದಲ್ಲಿ ಚಿತ್ರದುರ್ಗ ಶಾಖಾ ಕಾಲುವೆ ಮೂಲಕ ಹೊಸದುರ್ಗ, ಹೊಳಲ್ಕೆರೆ, ಚಿತ್ರದುರ್ಗ, ಹಿರಿಯೂರು ಹಾಗೂ ಚಳ್ಳಕೆರೆ ತಾಲೂಕುಗಳಲ್ಲಿ ಭದ್ರಾ ನೀರು ಹರಿಯಲಿದೆ.‌

ಇದನ್ನೂ ಓದಿ:ಸಹಸ್ರ ಕಂಠಗಳಿಂದ ಮೊಳಗಿದ ಭಗವದ್ಗೀತಾ ಶ್ಲೋಕ | ಇಂಡಿಯಾ ಬುಕ್ ಆಫ್ ರೆಕಾರ್ಡ್ ಸೇರ್ಪಡೆ | ಎಸ್‌ಆರ್‌ಎಸ್ ಸಂಸ್ಥೆಯ ಮೈಲಿಗಲ್ಲು

ಭದ್ರಾ ಮೇಲ್ದಂಡೆ ಯೋಜನೆಗೆ ಭದ್ರಾ ಜಲಾಶಯದಿಂದ ಚಿತ್ರದುರ್ಗ ಶಾಖಾ ಕಾಲುವೆಯ ಚೈ.೦ ಕಿ.ಮೀನಿಂದ ಚೈ.114.142 ಕಿ.ಮೀವರೆಗೆ ಗೋನೂರು ಕೆರೆವರೆಗೆ ಪ್ರಾಯೋಗಿಕವಾಗಿ ನೀರು ಹರಿಯಲಿದೆ.

ಗೋನೂರು ಕೆರೆಯಿಂದ ನೈಸರ್ಗಿಕ ಹಳ್ಳದ ಮೂಲಕ ಚಳ್ಳಕೆರೆ ತಾಲೂಕಿನ ರಾಣಿಕೆರೆವರೆಗೆ ಭದ್ರಾ ನೀರು ಹರಿಸಲಾಗುವುದು.

ಇದನ್ನೂ ಓದಿ:ಶಿಕ್ಷಕರಿಗೆ ಪ್ರಶಸ್ತಿ ಪ್ರಕಟ | 33 ಶಿಕ್ಷಕರಿಗೆ ಉತ್ತಮ ಶಿಕ್ಷಕ ಪ್ರಶಸ್ತಿ

ಸಾರ್ವಜನಿಕರು ಸುರಕ್ಷತೆ ಹಾಗೂ ಮುಂಜಾಗ್ರತಾ ಕ್ರಮವಾಗಿ ಕಾಲುವೆಗೆ, ಕೆರೆಯ ಕೋಡಿ, ಹಳ್ಳದ ಪಾತ್ರಗಳಲ್ಲಿ ತಿರುಗಾಡುವುದು, ಜಾನುವಾರುಗಳನ್ನು ಕಾಲುವೆಗೆ ಇಳಿಸುವುದು, ಈಜಾಡುವುದು ಮಾಡಬಾರದು ಎಂದು ಭದ್ರಾ ಮೇಲ್ದಂಡೆ ಯೋಜನೆ ಅಧೀಕ್ಷಕ ಇಂಜಿನಿಯರ್‌ ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.