ನೀವು ಹಲ್ಲುಜ್ಜಲು ಬಳಸುವ ಟೂತ್‌ಪೇಸ್ಟ್ ಕೂಡ ಮೈಗ್ರೇನ್‌ಗೆ ಕಾರಣವಾಗಬಹುದಂತೆ

CHITRADURGA NEWS | 07 JULY 2026

ನಮ್ಮಲ್ಲಿ ಹಲವರು ಮೈಗ್ರೇನ್ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಮೈಗ್ರೇನ್ ನೋವು ಕೆಲವೊಮ್ಮೆ ಸಹಿಸಿಕೊಳ್ಳುವುದು ತುಂಬಾ ಕಷ್ಟಕರವಾಗಿರುತ್ತದೆ. ಮೈಗ್ರೇನ್ ಉಂಟಾಗಲು ಹಲವು ಕಾರಣಗಳಿವೆ. ಆದರೆ ಇತ್ತೀಚಿನ ಅಧ್ಯಯನವೊಂದರಲ್ಲಿ ತಿಳಿದುಬಂದ ಮೈಗ್ರೇನ್‍ಗೆ ಕಾರಣ ಕೇಳಿದರೆ ಪ್ರತಿಯೊಬ್ಬರು ಶಾಕ್ ಆಗ್ತಾರೆ. ಅದೇನೆಂದರೆ ನಾವು ಪ್ರತಿದಿನ ಹಲ್ಲುಜ್ಜಲು ಬಳಸುವ ಟೂತ್‌ಪೇಸ್ಟ್ ಮೈಗ್ರೇನ್‌ಗೆ ಕಾರಣವಾಗಿದೆಯಂತೆ. ಅದು ಹೇಗೆ ಎಂಬುದನ್ನು ತಿಳಿದು‍ಕೊಳ್ಳೋಣ.

ಟೂತ್‌ಪೇಸ್ಟ್‌ಗೂ ಮೈಗ್ರೇನ್‌ಗೂ ಏನು ಸಂಬಂಧ?

ಇತ್ತೀಚಿನ ಸಂಶೋಧನಾ ವರದಿಯ ಪ್ರಕಾರ, ಕೆಲವು ಜನರಿಗೆ, ಟೂತ್‌ಪೇಸ್ಟ್‌ನಲ್ಲಿರುವ ಸುವಾಸನೆಕಾರಕಗಳು, ಕೃತಕ ಸಿಹಿಕಾರಕಗಳು ಮತ್ತು ಅದರ ಬಲವಾದ ಪರಿಮಳವು ಮೈಗ್ರೇನ್ ದಾಳಿಯನ್ನು ಪ್ರಚೋದಿಸಬಹುದು ಎಂದು ತಜ್ಞರು ಹೇಳಿದ್ದಾರೆ. ಟೂತ್‌ಪೇಸ್ಟ್‌ನಲ್ಲಿರುವ ರಾಸಾಯನಿಕಗಳು ದೇಹವನ್ನು ಪ್ರವೇಶಿಸಿ ಮೈಗ್ರೇನ್ ಅಥವಾ ತಲೆನೋವನ್ನು ಪ್ರಚೋದಿಸಬಹುದು. ಪುದೀನ, ದಾಲ್ಚಿನ್ನಿ, ಕೃತಕ ಸಿಹಿಕಾರಕಗಳು ಮತ್ತು ಕೆಲವು ಸುಗಂಧ ದ್ರವ್ಯಗಳು ರಾಸಾಯನಿಕ ಸೂಕ್ಷ್ಮವಾಗಿರುವ ಜನರಲ್ಲಿ ಮೈಗ್ರೇನ್‌ಗೆ ಕಾರಣವಾಗಬಹುದು ಎಂದು ಸಂಶೋಧನೆ ತೋರಿಸಿದೆ. ಟೂತ್‌ಪೇಸ್ಟ್ ಎಲ್ಲರಲ್ಲೂ ಮೈಗ್ರೇನ್‌ಗೆ ಕಾರಣವಾಗದಿದ್ದರೂ, ಈಗಾಗಲೇ ಮೈಗ್ರೇನ್ ಇರುವವರಿಗೆ ಇದು ಸಂಭಾವ್ಯ ಪ್ರಚೋದಕವಾಗಬಹುದು ಎನ್ನಲಾಗಿದೆ.

ಉಪ್ಪು ತಲೆನೋವನ್ನು ಕಡಿಮೆ ಮಾಡುತ್ತದೆ

ಈ ಅಧ್ಯಯನವನ್ನು ಆಧರಿಸಿದ ಹೊಸ ಪ್ರಯೋಗವು, ಟೂತ್‌ಪೇಸ್ಟ್ ಬದಲಿಗೆ ಉಪ್ಪಿನಿಂದ ಹಲ್ಲುಜ್ಜುವುದರಿಂದ ಮೈಗ್ರೇನ್ ರೋಗಿಗಳಲ್ಲಿ ಮೈಗ್ರೇನ್ ತಲೆನೋವು ಗಮನಾರ್ಹವಾಗಿ ಕಡಿಮೆಯಾಗುತ್ತದೆ ಎಂದು ಕಂಡುಹಿಡಿದಿದೆ. ನಾಲ್ಕು ವಾರಗಳ ನಂತರ, ಟೂತ್‌ಪೇಸ್ಟ್ ಬದಲಿಗೆ ಉಪ್ಪನ್ನು ಬಳಸಿದವರಲ್ಲಿ ಸುಮಾರು ಮೂರನೇ ಒಂದು ಭಾಗದಷ್ಟು ರೋಗಿಗಳು ಸಂಪೂರ್ಣ ಮೈಗ್ರೇನ್ ಪರಿಹಾರವನ್ನು ಕಂಡುಕೊಂಡರು ಎನ್ನಲಾಗಿದೆ.

ಮೈಗ್ರೇನ್ ತಡೆಗಟ್ಟಲು ಹಲ್ಲುಜ್ಜುವಾಗ ಯಾವ ವಿಷಯಗಳನ್ನು ಮನಸ್ಸಿನಲ್ಲಿಟ್ಟುಕೊಳ್ಳಬೇಕು?

ನೀವು ಆಗಾಗ್ಗೆ ಮೈಗ್ರೇನ್ ನಿಂದ ಬಳಲುತ್ತಿದ್ದರೆ, ಸ್ಟೀವಿಯಾ, ಆಸ್ಪರ್ಟೇಮ್ ಅಥವಾ ಸುಕ್ರಲೋಸ್‌ನಂತಹ ಕೃತಕ ಸಿಹಿಕಾರಕಗಳಿರುವ ಟೂತ್‍ಪೇಸ್ಟ್ ಬಳಸುವುದನ್ನು ತಪ್ಪಿಸಿ.

ಬಲವಾದ ಪುದೀನ ಅಥವಾ ದಾಲ್ಚಿನ್ನಿ ಸುವಾಸನೆಯನ್ನು ತಪ್ಪಿಸಿ.

ಬಲವಾದ ಸುಗಂಧ ದ್ರವ್ಯಗಳನ್ನು ಹೊಂದಿರುವ ಟೂತ್‌ಪೇಸ್ಟ್‌ಗಳನ್ನು ತಪ್ಪಿಸಿ, ಅದು ಮೈಗ್ರೇನ್ ನೋವನ್ನು ಹೆಚ್ಚಿಸಬಹುದು.