Hindu Mahaganapati; ಪುರಪ್ರವೇಶ ಮಾಡಿದ ಹಿಂದೂ ಮಹಾಗಣಪತಿ | ಸಾವಿರಾರು ಜನ ಸೇರಿ ಮೆರವಣಿಗೆ ಮೂಲಕ ಸ್ವಾಗತ

CHITRADURGA NEWS | 04 SEPTEMBER 2024

ಚಿತ್ರದುರ್ಗ: ವಿಶ್ವ ಹಿಂದೂ ಪರಿಷತ್ ಹಾಗೂ ಬಜರಂಗದಳದಿಂದ ಪ್ರತಿಷ್ಠಾಪನೆ ಮಾಡುವ ಹಿಂದೂ ಮಹಾಗಣಪತಿ(Hindu Mahaganapati)ಯ ವಿಗ್ರಹ ಗರುಡ ವಾಹನದಲ್ಲಿ ಕುಳಿತು ಬುಧವಾರ ಚಿತ್ರದುರ್ಗ ಪುರ(city) ಪ್ರವೇಶ ಮಾಡಿತು.

ಕ್ಲಿಕ್ ಮಾಡಿ ಓದಿ: Sports; ವಿದ್ಯಾವಿಕಾಸ ಶಾಲೆ ಮಕ್ಕಳು ತಾಲೂಕು ಮಟ್ಟಕ್ಕೆ ಆಯ್ಕೆ 

ಬೆಳಗಿನ ಜಾವ ನಗರದ ಹೊರವಲಯದಲ್ಲಿರುವ ಶ್ರೀ ಮಾದಾರ ಚನ್ನಯ್ಯ ಗುರುಪೀಠಕ್ಕೆ ಆಗಮಿಸಿದ್ದ ಹಿಂದೂ ಮಹಾಗಣಪನನ್ನು, ಮಧ್ಯಾಹ್ನ 3.30ಕ್ಕೆ ಮಂಗಳವಾದ್ಯಗಳು, ಕಲಾತಂಡಗಳೊಂದಿಗೆ ನೂರಾರು ಬೈಕುಗಳ ಮೂಲಕ ಹೆದ್ದಾರಿ ಮೂಲಕ ನಗರಕ್ಕೆ ಕರೆತರಲಾಯಿತು.

ಚಳ್ಳಕೆರೆ ಗೇಟ್ ಬಳಿ ಸಾವಿರಾರು ಜನ ಜಮಾಯಿಸಿ ಗಣಪತಿಯ ಮೆರವಣಿಗೆಯಂತೆ ವಾದ್ಯಗಳ ಸದ್ದಿಗೆ ಹೆಜ್ಜೆ ಹಾಕುತ್ತಾ ಗಣಪತಿ ಪೆಂಡಾಲ್ ಇರುವ ಜೈನಧಾಮದವರೆಗೆ ಅದ್ದೂರಿಯಾಗಿ ತೆಗೆದುಕೊಂಡು ಹೋಗಲಾಯಿತು.

ರೆಕ್ಕೆ ಬಿಚ್ಚಿ, ಬಾಯಿ ತೆರೆದು ಕುಳಿತಿರುವ ಗರುಡ ಪಕ್ಷಯ ಬೆನ್ನ ಮೇಲೆ ಗಣಪತಿ ಕುಳಿತಿದ್ದು, ಈ ವರ್ಷದ ಗಣಪತಿ ಮನಮೋಹಕವಾಗಿದೆ. ಈ ದೃಶ್ಯವನ್ನು ಕಣ್ತುಂಬಿಕೊಳ್ಳಲು ಸಾವಿರಾರು ಯುವಕರು ಆಗಮಿಸಿದ್ದರು.

ಕ್ಲಿಕ್ ಮಾಡಿ ಓದಿ: ಅಹೋಬಲ TVS ನಲ್ಲಿ ಹೊಸ ಜುಪಿಟರ್ 110 ಸ್ಕೂಟಿ ಲಾಂಚ್ | RTO ಭರತ್ ಕಾಳಿಸಂಗೆ ಲೋಕಾರ್ಪಣೆ

ಎಲ್ಲರೂ ಮೊಬೈಲ್‌ಗಳಲ್ಲಿ ಪೋಟೋ, ವೀಡಿಯೋ ತೆಗೆದು ರೀಲ್ಸ್, ಶೇರ್ ಮಾಡುವ ಮೂಲಕ ಸೋಷಿಯಲ್ ಮೀಡಿಯಾಗಳಲ್ಲಿ ದುರ್ಗದ ಗಣಪ ಎಂದು ಕ್ಷಣಮಾತ್ರದಲ್ಲಿ ಟ್ರೆಂಡ್ ಮಾಡಲಾಯಿತು.

ಈ ವೇಳೆ ಹಿಂದೂ ಮಹಾಗಣಪತಿ ಉತ್ಸವ ಸಮಿತಿ ಅಧ್ಯಕ್ಷ ನಯನ್, ಪ್ರಧಾನ ಕಾರ್ಯದರ್ಶಿ ಶರಣ್, ಮಾರ್ಗದರ್ಶಕರಾದ ಟಿ.ಬದರೀನಾಥ್, ವಿಎಚ್‌ಪಿ ನಗರ ಅಧ್ಯಕ್ಷ ಅಶೋಕ್, ವಿಠಲ್, ರಂಗಸ್ವಾಮಿ, ಚನ್ನಕೇಶವ, ಪ್ರಭಂಜನ್ ಸೇರಿದಂತೆ ಸಂಘ ಪರಿವಾರ ಹಾಗೂ ಗಣಪತಿ ಸಮಿತಿಯ ನೂರಾರು ಮಂದಿ ಭಾಗವಹಿಸಿದ್ದರು.