ತಾಪಂ, ಜಿಪಂ ಚುನಾವಣೆಗೆ ಸಿದ್ಧತೆ | ಮೀಸಲಾತಿ ನಿಗಧಿ ಮಾಡಿದ ಸರ್ಕಾರ

CHITRADURGA NEWS | 07 OCTOBER 2026

ಚಿತ್ರದುರ್ಗ: ಕಳೆದ ಐದು ವರ್ಷಗಳಿಂದ ನನೆಗುದಿಗೆ ಬಿದ್ದಿದ್ದ ತಾಲೂಕು ಹಾಗೂ ಜಿಲ್ಲಾ ಪಂಚಾಯಿತಿ ಚುನಾವಣೆಗೆ ಅಂತೂ ರಾಜ್ಯ ಸರ್ಕಾರ ಮೀಸಲಾತಿ ನಿಗಧಿ ಮಾಡಿ ಅಧಿಸೂಚನೆ ಹೊರಡಿಸಿದೆ.

ಬಹುತೇಕ ಡಿಸೆಂಬರ್‌ ವೇಳೆಗೆ ತಾಪಂ ಜಿಪಂ ಚುನಾವಣೆ ನಡೆಯುವ ಸಾಧ್ಯತೆಗಳಿದ್ದು, ಸಿದ್ಧತೆಗಾಗಿ ಸರ್ಕಾರ ಅನುದಾನವನ್ನೂ ಬಿಡುಗಡೆ ಮಾಡಿದೆ.

ಇದನ್ನೂ ಓದಿ:ಮುಂಬರುವ ಚುನಾವಣೆಯಲ್ಲಿ ರಾಜ್ಯ–ಕೇಂದ್ರದಲ್ಲಿ ಎನ್‌ಡಿಎ ಅಧಿಕಾರಕ್ಕೆ | ಆರ್.ಅಶೋಕ್ ವಿಶ್ವಾಸ

ಇದರ ಬೆನ್ನಲ್ಲೇ ರಾಜ್ಯದ ಎಲ್ಲ ತಾಲೂಕು, ಜಿಲ್ಲಾ ಪಂಚಾಯಿತಿಗಳಿಗೆ ಸದಸ್ಯ ಸ್ಥಾನ, ಮಹಿಳಾ, ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡ, ಬಿಸಿಎಂ ಎ, ಬಿಸಿಎಂ ಬಿ ಹಾಗೂ ಸಾಮಾನ್ಯ ವರ್ಗಕ್ಕೆ ಮೀಸಲಾತಿ ನಿಗಧಿ ಮಾಡಿ ಗ್ರಾಮೀಣಾಭಿವೃದ್ಧಿ ಹಾಗೂ ಪಂಚಾಯತ್‌ ರಾಜ್‌ ಇಲಾಖೆ ನಿರ್ದೇಶಕರಾದ ಕೆ.ಎಚ್‌.ಕೃಷ್ಣಮೂರ್ತಿ ಅಧಿಸೂಚನೆ ಹೊರಡಿಸಿದ್ದಾರೆ.

ಚಿತ್ರದುರ್ಗ ಜಿಲ್ಲಾ ಪಂಚಾಯಿತಿಗೆ 37 ಸದಸ್ಯ ಸ್ಥಾನ:

ಚಿತ್ರದುರ್ಗ ಜಿಲ್ಲೆಗೆ ಒಟ್ಟು 37 ಜಿಲ್ಲಾ ಪಂಚಾಯಿತಿ ಸದಸ್ಯ ಸ್ಥಾನಗಳು ನಿಗಧಿಯಾಗಿದ್ದು, ಇದರಲ್ಲಿ 19 ಸ್ಥಾನಗಳಿಗೆ ಮಹಿಳಾ ಮೀಸಲಾತಿ ದೊರೆತಿದೆ.

ಇದನ್ನೂ ಓದಿ:ಪದವೀಧರ ಶಿಕ್ಷಕರ ಸಂಘ | ಸುಂದರ ರಾಜ್ ಅವಿರೋಧ ಆಯ್ಕೆ

ಇದರಲ್ಲಿ ಪರಿಶಿಷ್ಟ ಜಾತಿ(ಎಸ್ಸಿ)ಗೆ 9 ಸ್ಥಾನಗಳಿದ್ದು, 5 ಮಹಿಳಾ ಮೀಸಲಾಗಿವೆ. ಪರಿಶಿಷ್ಟ ಪಂಗಡ(ಎಸ್ಟಿ)ಗೆ 7 ಸ್ಥಾನ ನಿಗಧಿಯಾಗಿದ್ದು, ಇದರಲ್ಲಿ 4 ಮಹಿಳೆಯರಿಗೆ ಮೀಸಲು. ಹಿಂದುಳಿದ ವರ್ಗ ಅ(ಬಿಸಿಎಂ ಎ)ಗೆ 2 ಸ್ಥಾನಗಳಿದ್ದು, 1 ಮಹಿಳೆಗೆ ಮೀಸಲು. ಸಾಮಾನ್ಯ ವರ್ಗಕ್ಕೆ 19 ಸ್ಥಾನಗಳಿದ್ದು, 9 ಕ್ಷೇತ್ರಗಳಿಗೆ ಮಹಿಳಾ ಮೀಸಲಾತಿ ದೊರೆತಿದೆ.

ಚಿತ್ರದುರ್ಗ ಜಿಲ್ಲೆಗೆ 125 ತಾಪಂ ಸದಸ್ಯರು:

ಚಿತ್ರದುರ್ಗ ಜಿಲ್ಲೆಯ 6 ತಾಲೂಕುಗಳ ತಾಲೂಕು ಪಂಚಾಯಿತಿಗೆ ಒಟ್ಟು 125 ಸದಸ್ಯ ಸ್ಥಾನಗಳಿದ್ದು, ಇದರಲ್ಲಿ 65 ಸ್ಥಾನಗಳಿಗೆ ಮಹಿಳಾ ಮೀಸಲಾತಿ ದೊರೆತಿದೆ.

ಇದನ್ನೂ ಓದಿ:ಯಾವುದೇ ಕಾಯಿಲೆ ಇರಲ್ಲಿ ಈ ಬೀಜ ತಿಂದರೆ ಸಾಕು, ಬೇಗ ಚೇತರಿಸಿಕೊಳ್ಳಬಹುದಂತೆ

ಮೊಳಕಾಲ್ಮೂರು ತಾಲೂಕು ಪಂಚಾಯಿತಿ:

ಒಟ್ಟು 13 ಸದಸ್ಯ ಸ್ಥಾನಗಳಿದ್ದು, ಇದರಲ್ಲಿ 7 ಮಹಿಳೆಯರಿಗೆ ಮೀಸಲಾಗಿವೆ. ಎಸ್ಸಿ 2(1), ಎಸ್ಟಿ 4(2) ಸಾಮಾನ್ಯ ವರ್ಗಕ್ಕೆ 7(4) ಸ್ಥಾನಗಳು ಮೀಸಲಾಗಿವೆ.

ಹೊಳಲ್ಕೆರೆ ತಾಲೂಕು ಪಂಚಾಯಿತಿ:

ಒಟ್ಟು 19 ಸದಸ್ಯ ಸ್ಥಾನಗಳಿದ್ದು, 10 ಮಹಿಳೆಯರಿಗೆ ಮೀಸಲಾಗಿವೆ. ಇದರಲ್ಲಿ ಎಸ್ಸಿ 5(3), ಎಸ್ಟಿ 2(1), ಬಿಸಿಎಂ ಎ 2(1), ಸಾಮಾನ್ಯ 10(5) ಸ್ಥಾನಗಳು.

ಇದನ್ನೂ ಓದಿ:ಯಾವ ಪಾತ್ರೆಯಲ್ಲಿ ತಿನ್ನುವುದು ನಿಮ್ಮ ದೇಹಕ್ಕೆ ಹೆಚ್ಚು ಪ್ರಯೋಜನಕಾರಿ ತಿಳಿಯಿರಿ

ಹೊಸದುರ್ಗ ತಾಲೂಕು ಪಂಚಾಯಿತಿ:

ಒಟ್ಟು 21 ಸದಸ್ಯ ಸ್ಥಾನಗಳಿದ್ದು, 11 ಮಹಿಳಾ ಮೀಸಲಾತಿ ನೀಡಲಾಗಿದೆ. ಎಸ್ಸಿ 5(3), ಎಸ್ಟಿ 2(1), ಬಿಸಿಎಂ ಎ 2(1), ಬಿಸಿಎಂ ಬಿ 1(ಮಹಿಳೆ) ಹಾಗೂ ಸಾಮಾನ್ಯ 11(5) ಸ್ಥಾನಗಳು ಮೀಸಲಾಗಿವೆ.

ಹಿರಿಯೂರು ತಾಲೂಕು ಪಂಚಾಯಿತಿ:

ಒಟ್ಟು 23 ಸದಸ್ಯ ಸ್ಥಾನಗಳಿದ್ದು, ಇದರಲ್ಲಿ 12 ಮಹಿಳಾ ಮೀಸಲಾತಿ. ಎಸ್ಸಿ 6(3), ಎಸ್ಟಿ 2(1), ಬಿಸಿಎಂ ಎ 2(1), ಬಿಸಿಎಂ ಬಿ 1(ಮಹಿಳೆ) ಹಾಗೂ ಸಾಮಾನಯ 12(6) ಸ್ಥಾನಗಳು.

ಇದನ್ನೂ ಓದಿ:ಮಹಿಳಾ ಪತ್ರಿಕೋದ್ಯಮ ಪದವೀಧರರಿಗೆ ಇಂಟರ್ನ್‌ಶಿಪ್ ಅವಕಾಶ

ಚಿತ್ರದುರ್ಗ ತಾಲೂಕು ಪಂಚಾಯಿತಿ:

ಒಟ್ಟು 24 ಸದಸ್ಯ ಸ್ಥಾನಗಳಿದ್ದು, 12 ಮಹಿಳೆಯರಿಗೆ ಮೀಸಲಾಗಿವೆ. ಇದರಲ್ಲಿ ಎಸ್ಸಿ 7(4), ಎಸ್ಟಿ 5(3), ಸಾಮಾನ್ಯ 12(5) ಸ್ಥಾನಗಳು.

ಚಳ್ಳಕೆರೆ ತಾಲೂಕು ಪಂಚಾಯಿತಿ:

ಒಟ್ಟು 25 ಸದಸ್ಯ ಸ್ಥಾನಗಳಿದ್ದು, ಇದರಲ್ಲಿ 13 ಮಹಿಳೆಯರಿಗೆ ಮೀಸಲಾಗಿವೆ. ಇದರಲ್ಲಿ ಎಸ್ಸಿ 5(3), ಎಸ್ಟಿ 7(4), ಸಾಮಾನ್ಯ 13(6) ಸ್ಥಾನಗಳು ನಿಗಧಿಯಾಗಿವೆ.

(((ಕೋಷ್ಟಕದಲ್ಲಿರುವ ಸಂಖ್ಯೆ ಮಹಿಳಾ ಮೀಸಲಾತಿಯನ್ನು ಸೂಚಿಸುತ್ತದೆ.)))