ಶುಂಠಿ ಸಿಪ್ಪೆಗಳಿಂದ ಈ ರೋಗಗಳನ್ನು ನಿವಾರಿಸಬಹುದಂತೆ; ಹಾಗಾಗಿ ಅವುಗಳನ್ನು ಎಸೆಯುವ ಬದಲು ಹೀಗೆ ಬಳಸಿ

CHITRADURGA NEWS | 27 FEBRUARY 2026

ಶುಂಠಿ ರುಚಿಕರ ಮಾತ್ರವಲ್ಲದೆ ಆರೋಗ್ಯಕ್ಕೂ ತುಂಬಾ ಪ್ರಯೋಜನಕಾರಿ. ಇದು ಅನೇಕ ಔಷಧೀಯ ಗುಣಗಳನ್ನು ಹೊಂದಿದೆ. ಶುಂಠಿಯನ್ನು ಹೆಚ್ಚಾಗಿ ಚಹಾದಲ್ಲಿ ಬಳಸಲಾಗುತ್ತದೆ. ಹಾಗೂ ಕೆಲವು ಅಡುಗೆಗಗಳಲ್ಲಿ ಸಹ ಬಳಸಲಾಗುತ್ತದೆ. ಆದರೆ ಅನೇಕ ಜನರು ಅದರ ಸಿಪ್ಪೆಯನ್ನು ಎಸೆಯುತ್ತಾರೆ. ಆದರೆ ಶುಂಠಿ ಸಿಪ್ಪೆಗಳಿಂದ ಹಲವು ಪ್ರಯೋಜನಗಳಿವೆ ಎಂಬುದು ಹಲವರಿಗೆ ತಿಳಿದಿಲ್ಲ. ಹಾಗಾಗಿ ಶುಂಠಿ ಸಿಪ್ಪೆಯನ್ನು ಎಸೆಯುವ ಬದಲು ಅದರಿಂದ ಏನೆಲ್ಲಾ ಪ್ರಯೋಜನವಿದೆ ಎಂಬುದನ್ನು ತಿಳಿಯಿರಿ.

ಶುಂಠಿ ಸಿಪ್ಪೆಯ ಕಷಾಯ: 

ಹೆಚ್ಚಿನ ಜನರು ಶುಂಠಿ ಚಹಾ ಕುಡಿಯುವುದನ್ನು ಇಷ್ಟಪಡುತ್ತಾರೆ. ಶುಂಠಿ ಸಿಪ್ಪೆಯ ಚಹಾದಲ್ಲಿರುವ ಆ್ಯಂಟಿ ಆಕ್ಸಿಡೆಂಠ್‍ ಗುಣಗಳು ನಿಮ್ಮ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಇದನ್ನು ಮಾಡಲು, ಶುಂಠಿ ಸಿಪ್ಪೆಗಳನ್ನು ತೊಳೆದು, ನೀರಿನಲ್ಲಿ ಕುದಿಸಿ, ನಂತರ ಈ ಕಷಾಯವನ್ನು ಕುಡಿಯಿರಿ. ಹಾಗೆ ಮಾಡುವುದರಿಂದ ನಿಮ್ಮ ಮನಸ್ಸಿಗೆ ವಿಶ್ರಾಂತಿ ಸಿಗುತ್ತದೆ.

ಶುಂಠಿ ಸಿಪ್ಪೆ ಕೆಮ್ಮನ್ನು ನಿವಾರಿಸುವಲ್ಲಿ ಪರಿಣಾಮಕಾರಿ

ಶುಂಠಿ ಸಿಪ್ಪೆ ಕೆಮ್ಮನ್ನು ನಿವಾರಿಸಲು ಬಹಳ ಪರಿಣಾಮಕಾರಿಯಾಗಿದೆ . ಶುಂಠಿಯ ಸಿಪ್ಪೆಗಳನ್ನು ಸಂಗ್ರಹಿಸಿ, ಬಿಸಿಲಿನಲ್ಲಿ ಒಣಗಿಸಿ, ನಂತರ ಪುಡಿ ಮಾಡಿ. ನಿಮಗೆ ಕೆಮ್ಮು ಬಂದಾಗಲೆಲ್ಲಾ, ಸಮಾನ ಪ್ರಮಾಣದಲ್ಲಿ ಶುಂಠಿ ಪುಡಿ, ಜೇನುತುಪ್ಪ ಮತ್ತು ತುಪ್ಪವನ್ನು ಬೆರೆಸಿ ಸೇವಿಸಿ. ಇದು ನಿಮ್ಮ ಕೆಮ್ಮನ್ನು ತಾತ್ಕಾಲಿಕವಾಗಿ ನಿಲ್ಲಿಸುತ್ತದೆ. 

ಶುಂಠಿ ಸಿಪ್ಪೆಗಳನ್ನು ತರಕಾರಿಗಳ ಜೊತೆ ಬೇಯಿಸಿ

ಶುಂಠಿ ಸಿಪ್ಪೆಗಳನ್ನು ಕೆಲವು ತರಕಾರಿಗಳ ಜೊತೆ ಬೇಯಿಸಲು ಸಹ ಬಳಸಬಹುದು . ಹೂಕೋಸು ಮತ್ತು ಎಲೆಕೋಸು ಮುಂತಾದ ತರಕಾರಿಗಳನ್ನು ಆವಿಯಲ್ಲಿ ಬೇಯಿಸುವ ಮೊದಲು ನೀವು ಶುಂಠಿ ಸಿಪ್ಪೆಗಳನ್ನು ಸೇರಿಸಬಹುದು. ಇದು ತರಕಾರಿಗಳಿಗೆ ರುಚಿಯನ್ನು ನೀಡುವುದಲ್ಲದೆ ಅವುಗಳ ರುಚಿಯನ್ನು ಹೆಚ್ಚಿಸುತ್ತದೆ.

ಇದನ್ನು ಸೂಪ್‌ಗಳಲ್ಲಿ ಬಳಸಿ

ನೀವು ಸೂಪ್‌ಗಳಲ್ಲಿ ಪ್ರಯೋಜನಕಾರಿ ಶುಂಠಿ ಸಿಪ್ಪೆಗಳನ್ನು ಸಹ ಬಳಸಬಹುದು. ಮನೆಯಲ್ಲಿ ಶುಂಠಿ ಸಿಪ್ಪೆಗಳೊಂದಿಗೆ ಟೊಮೆಟೊಗಳನ್ನು ಕುದಿಸಿ ಸೂಪ್ ತಯಾರಿಸಬಹುದು. ಅಥವಾ ನಿಮ್ಮ ನೆಚ್ಚಿನ ತರಕಾರಿಗಳೊಂದಿಗೆ ನೀವು ಸೂಪ್ ತಯಾರಿಸಬಹುದು.