Hindu Mahaganapati: ಹಿಂದೂ ಮಹಾಗಣಪತಿ ಶೋಭಾಯಾತ್ರೆ | ಮುಕ್ತಿ ಭಾವುಟ ಹರಾಜು

CHITRADURGA NEWS | 28 SEPTEMBER 2024
ಚಿತ್ರದುರ್ಗ: ದಕ್ಷಿಣ ಭಾರತದ ಗಮನ ಸೆಳೆದಿರುವ ಚಿತ್ರದುರ್ಗದ ಹಿಂದೂ ಮಹಾಗಣಪತಿ ಶೋಭಾಯಾತ್ರೆ ಆರಂಭವಾಗಿದ್ದು, ಲಕ್ಷಾಂತರ ಭಕ್ತರು ಭವ್ಯಕ್ಷಣಕ್ಕೆ ಸಾಕ್ಷಿಯಾಗಿದ್ದಾರೆ.

ಪ್ರತಿ ವರ್ಷದ ಸಂಪ್ರದಾಯದಂತೆ ಈ ಬಾರಿಯೂ ದೇವರ ಮುಕ್ತಿ ಭಾವುಟ, ಹೂವಿನ ಹಾರ ಹರಾಜು ಹಾಕಲಾಯಿತು. ಮುಕ್ತಿ ಭಾವುಟವನ್ನು ಎನ್‌.ಜೆ.ಹಳ್ಳಿ ಮಂಜುನಾಥ್ ₹ 2.5 ಲಕ್ಷ , ಹೂವಿನ ಹಾರವನ್ನು ತೊರೆಕೋಲಮ್ಮನಹಳ್ಳಿ ತಿಪ್ಪೇಸ್ವಾಮಿ ₹ 1.60ಲಕ್ಷ , ನೋಟಿನ ಹಾರವನ್ನು ಕೆ.ಜಿ.ಟಿ.ಗುರುಮೂರ್ತಿ ₹ 2.50 ಲಕ್ಷ, ಪುರಿ ಜಗನ್ನಾಥ ಮಂದಿರ ಪ್ರತಿಕೃತಿಯನ್ನು ಕೆ.ಸಿ.ನಾಗರಾಜ್‌ ₹ 2.25 ಲಕ್ಷಕ್ಕೆ ಪಡೆದರು.

ಕ್ಲಿಕ್ ಮಾಡಿ ಓದಿ: ಹಿಂದೂ ಮಹಾಗಣಪತಿ ಶೋಭಾಯಾತ್ರೆ

ಇನ್ನೂ ಫಲಾಹಾರವನ್ನು ಉಮೇಶ್ ಕಾರಜೋಳ ₹ 61 ಸಾವಿರ, ಪ್ರಸಾದವನ್ನು ಶಾಮಿಯಾನ ಮೋಹನ್‌ ₹ 70 ಸಾವಿರ, ಗಣಪತಿ ಭಾವಚಿತ್ರವನ್ನು ಮಂಜಣ್ಣ ₹ 60 ಸಾವಿರ, ಮೆಕ್ಕೆಜೋಳದ ಹಾರವನ್ನು ವಿಶ್ವಬಂಧು ಕಲ್ಲೇಶ ₹ 40 ಸಾವಿರಕ್ಕೆ ಪಡೆದರು.