VV SAGARA: ಮತ್ತೆ ಹರಿದು ಬಂತು ವಿವಿ ಸಾಗರಕ್ಕೆ ನೀರು | ಜಲಾಶಯ ಭರ್ತಿಗೆ ಇನ್ನೆಷ್ಟು ಅಡಿ ಬಾಕಿ ಇದೆ ಗೊತ್ತಾ..?

CHITRADURGA NEWS | 04 December 2024

ಚಿತ್ರದುರ್ಗ: ಭದ್ರಾ ಜಲಾಶಯದಿಂದ ಒಳಹರಿವು ನಿಂತು ಹೋದ ಬಳಿಕ ವಾಣಿವಿಲಾಸ ಸಾಗರ(VV SAGARA) ಜಲಾಶಯಕ್ಕೆ ಮತ್ತೆ ನೀರಿನ ಹರಿವು ಪ್ರಾರಂಭವಾಗಿದೆ.

ಕ್ಲಿಕ್ ಮಾಡಿ ಓದಿ: ಕಡಲೆ ಬೆಳೆಗಾರರಿಗೆ ಆತಂಕ ಸೃಷ್ಟಿಸಿದ ಮಳೆರಾಯ

ಫೆಂಗಾಲ್ ಚಂಡಮಾರುತದ ಪರಿಣಾಮ ಜಿಲ್ಲೆಯಲ್ಲಿ ಉತ್ತಮವಾಗಿ ಮಳೆ ಸುರಿದಿದ್ದು, ಇದರಿಂದಾಗಿ ಜಲಾಶಯಕ್ಕೆ ಮತ್ತೆ ನೀರು ಹರಿದು ಬಂದಿದೆ.

ಬುಧವಾರ ಬೆಳಗ್ಗೆ ನಡೆಸಿದ ಮಳೆ ಮಾಪನದ ವೇಳೆ ವಾಣಿವಿಲಾಸ ಸಾಗರ‌ ಜಲಾಶಯಕ್ಕೆ 693 ಕ್ಯೂಸೆಕ್ ನೀರು ಹರಿದು ಬಂದಿದೆ. ಸದ್ಯ ಜಲಾಶಯದಿಂದ ಯಾವುದೇ ಹೊರ ಹರಿವು ಇಲ್ಲ.

135 ಅಡಿ ಎತ್ತರದ‌ ಜಲಾಶಯಕಯ 130 ಅಡಿವರೆಗೆ ನೀರು ಬಂದರೆ ಜಲಾಶಯ ಕೋಡಿ ಹರಿಯಲಿದೆ.

ಕ್ಲಿಕ್ ಮಾಡಿ ಓದಿ: ದಿನ ಭವಿಷ್ಯ | ಡಿಸೆಂಬರ್ 04 | ಯಾವ್ಯಾವ ರಾಶಿಗೆ ಹೇಗಿದೆ ದಿನ?

ಸದ್ಯ ವಿವಿ ಸಾಗರ ಜಲಾಶಯದಲ್ಲಿ 128.70 ಅಡಿವರೆಗೆ ನೀರು ಬಂದಿದ್ದು, ಕೋಡಿ ಬೀಳಲು ಇನ್ನೂ 1.30 ಅಡಿ ನೀರು ಬರಬೇಕಿದೆ.

30 ಟಿಎಂಸಿ ಅಡಿ ಸಾಮರ್ಥ್ಯದ ವಾಣಿ ವಿಲಾಸ ಸಾಗರ ಜಲಾಶಯದಲ್ಲಿ ಈಗ 29.33 ಟಿಎಂಸಿ‌ ಅಡಿವರೆಗೆ ನೀರು ಬಂದಿದೆ. ಟಿಎಂಸಿ ಲೆಕ್ಕದಲ್ಲಿ ಜಲಾಶಯಕ್ಕೆ ಇನ್ನು ಕೇವಲ 0.67 ಟಿಎಂಸಿ ನೀರು ಬರಬೇಕಿದೆ.