ಸ್ಟ್ರೆಚ್ ಮಾರ್ಕ್‍ಗಳನ್ನು ಹೋಗಲಾಡಿಸಲು ಈ 3 ವಸ್ತುಗಳನ್ನು ಬಳಸಿ

CHITRADURGA NEWS | 19 April 2025

ತೂಕ ನಷ್ಟ, ಗರ್ಭಧಾರಣೆಯ ಪರಿಣಾಮ ಅಥವಾ ಯಾವುದೇ ಹಾರ್ಮೋನುಗಳ ಬದಲಾವಣೆಯಿಂದ ಹೆಚ್ಚಾಗಿ ಬೆನ್ನು, ಹೊಟ್ಟೆ, ತೊಡೆಗಳು ಅಥವಾ ತೋಳುಗಳ ಮೇಲೆ ಸ್ಟ್ರೆಚ್ ಮಾರ್ಕ್‍ಗಳು ಮೂಡುತ್ತವೆ.

ಅವು ನಿಮ್ಮ ಚರ್ಮದ ಸೌಂದರ್ಯವನ್ನುಕೆಡಿಸುತ್ತವೆ. ಹಾಗಾಗಿ ಅವುಗಳನ್ನು ಹೋಗಲಾಡಿಸಲು ದುಬಾರಿ ಕ್ರೀಂ, ಸೀರಮ್‍ಗಳನ್ನು ಬಳಸುವ ಬದಲು ಮನೆಯಲ್ಲಿಯೇ ಸಿಗುವಂತಹ ಕೆಲವು ನೈಸರ್ಗಿಕ ಪದಾರ್ಥಗಳನ್ನು ಬಳಸಿ ಈ ಸ್ಟ್ರೆಚ್ ಮಾರ್ಕ್‍ಗಳನ್ನು ಹೋಗಲಾಡಿಸಬಹುದು. ಹಾಗಾದ್ರೆ ಆ ವಸ್ತುಗಳು ಯಾವುದೆಂಬುದನ್ನು ತಿಳಿದುಕೊಳ್ಳಿ.

ಅಲೋವೆರಾ 

ಅಲೋವೆರಾ ಚರ್ಮಕ್ಕೆ ಔಷಧಿಗಿಂತ ಕಡಿಮೆಯಿಲ್ಲ. ಇದರಲ್ಲಿರುವ ಆ್ಯಂಟಿಆಕ್ಸಿಡೆಂಟ್‍ಗಳು ಮತ್ತು ವಿಟಮಿನ್-ಇ ಚರ್ಮವನ್ನು ಸರಿಪಡಿಸಲು ಸಹಾಯ ಮಾಡುತ್ತದೆ ಮತ್ತು ಸ್ಟ್ರೆಚ್ ಮಾರ್ಕ್‍ಗಳನ್ನು ಹಗುರಗೊಳಿಸುವಲ್ಲಿ ತುಂಬಾ ಪರಿಣಾಮಕಾರಿಯಾಗಿದೆ.

ಹೇಗೆ ಬಳಸುವುದು?

ತಾಜಾ ಅಲೋವೆರಾ ಜೆಲ್ ತೆಗೆದುಕೊಂಡು ಸ್ಟ್ರೆಚ್ ಮಾರ್ಕ್‍ಗಳಿರುವ ಪ್ರದೇಶಗಳಿಗೆ ಹಚ್ಚಿ 5-10 ನಿಮಿಷಗಳ ಕಾಲ ನಿಧಾನವಾಗಿ ಮಸಾಜ್ ಮಾಡಿ. ರಾತ್ರಿಯಿಡೀ ಹಾಗೆ ಬಿಡಿ ಮತ್ತು ಬೆಳಿಗ್ಗೆ ಉಗುರು ಬೆಚ್ಚಗಿನ ನೀರಿನಿಂದ ತೊಳೆಯಿರಿ. ಇದನ್ನು ಪ್ರತಿದಿನ ಬಳಸುವ ಮೂಲಕ, ತ್ವರಿತ ಪರಿಣಾಮಗಳನ್ನು ಕಾಣಬಹುದು.

ತೆಂಗಿನ ಎಣ್ಣೆ

ತೆಂಗಿನ ಎಣ್ಣೆಯಲ್ಲಿ ಉರಿಯೂತ ನಿವಾರಕ ಮತ್ತು ಚರ್ಮವನ್ನು ಸರಿಪಡಿಸುವ ಗುಣಗಳಿವೆ. ಇದು ಚರ್ಮದ ಕೋಶಗಳನ್ನು ಪುನರುತ್ಪಾದಿಸುತ್ತದೆ. ಇದು ಚರ್ಮವನ್ನು ಹೈಡ್ರೇಟ್ ಮಾಡುತ್ತದೆ ಮತ್ತು ಸ್ಟ್ರೆಚ್ ಮಾರ್ಕ್‍ಗಳನ್ನು ಕ್ರಮೇಣ ಹಗುರಗೊಳಿಸುತ್ತದೆ.

ಹೇಗೆ ಬಳಸುವುದು?

ಪ್ರತಿ ರಾತ್ರಿ ಮಲಗುವ ಮೊದಲು, ಶುದ್ಧ ತೆಂಗಿನ ಎಣ್ಣೆಯನ್ನು ಉಗುರು ಬೆಚ್ಚಗೆ ಮಾಡಿ ಮತ್ತು ಸ್ಟ್ರೆಚ್ ಮಾರ್ಕ್‍ಗಳ ಮೇಲೆ ಹಚ್ಚಿ 10 ನಿಮಿಷಗಳ ಕಾಲ ಮಸಾಜ್ ಮಾಡಿ. ಇದನ್ನು ಸತತವಾಗಿ ಒಂದು ತಿಂಗಳ ಕಾಲ ಬಳಸುತ್ತಾ ಬಂದರೆ ಬದಲಾವಣೆಯನ್ನು ನೀವೇ ನೋಡುತ್ತೀರಿ.

ವಿಟಮಿನ್-ಇ ಕ್ಯಾಪ್ಸೂಲ್‍ಗಳು

ವಿಟಮಿನ್-ಇ ಚರ್ಮವನ್ನು ಒಳಗಿನಿಂದ ಸರಿಪಡಿಸುತ್ತದೆ ಮತ್ತು ಅದರ ಸ್ಥಿತಿಸ್ಥಾಪಕತ್ವವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಇದು ಸ್ಟ್ರೆಚ್ ಮಾರ್ಕ್‍ಗಳನ್ನು ಹಗುರಗೊಳಿಸುತ್ತದೆ ಮತ್ತು ಚರ್ಮದ ಟೋನ್ ಅನ್ನು ಸುಧಾರಿಸುತ್ತದೆ.

ಹೇಗೆ ಬಳಸುವುದು?

ಮಾರುಕಟ್ಟೆಯಲ್ಲಿ ಸುಲಭವಾಗಿ ಲಭ್ಯವಿರುವ ವಿಟಮಿನ್-ಇ ಕ್ಯಾಪ್ಸುಲ್‍ಗಳನ್ನು ಕತ್ತರಿಸಿ, ಅದರ ಎಣ್ಣೆಯನ್ನು ಹೊರತೆಗೆದು ಪೀಡಿತ ಪ್ರದೇಶಗಳಿಗೆ ಹಚ್ಚಿ. ಮಸಾಜ್ ಮಾಡುವಾಗ ಇದನ್ನು ಅಲೋವೆರಾ ಅಥವಾ ತೆಂಗಿನ ಎಣ್ಣೆಯೊಂದಿಗೆ ಬೆರೆಸಬಹುದು.

ಈ ವಸ್ತುಗಳನ್ನು ದಿನಕ್ಕೆ ಎರಡು ಬಾರಿ ಸ್ಟ್ರೆಚ್ ಮಾರ್ಕ್‍ಗಳ ಮೇಲೆ ಬಳಸಿ. ಹಾಗೇ ಚರ್ಮವನ್ನು ಹೈಡ್ರೇಟ್ ಆಗಿಡಲು ಸಾಕಷ್ಟು ನೀರು ಕುಡಿಯಿರಿ. ವಿಟಮಿನ್ ಸಿ ಮತ್ತು ಪ್ರೋಟೀನ್ ಸಮೃದ್ಧವಾಗಿರುವ ಆಹಾರವನ್ನು ಸೇವಿಸಿ. ಚರ್ಮಕ್ಕೆ ಹಾನಿಯಾಗದಂತೆ ಸ್ಕ್ರಬ್ ಮಾಡುವುದನ್ನು ತಪ್ಪಿಸಿ. ಇದರಿಂದ ನಿಮಗೆ ಉತ್ತಮ ಫಲಿತಾಂಶ ಸಿಗುತ್ತದೆ.