ಚಿನ್ನದ ಸರ ಕಳೆದುಕೊಂಡ ಮಹಿಳೆ | ಪ್ರಾಮಾಣಿಕತೆ ಮೆರೆದ ಮಠದ ಸಿಬ್ಬಂದಿ

CHITRADURGA NEWS | 14 JUNE 2024

ಚಿತ್ರದುರ್ಗ: ತಾಲ್ಲೂಕಿನ ಸುಲ್ತಾನಿಪುರ ಗ್ರಾಮದ ರುಕ್ಸಾನಬಾನು ಮತ್ತು ಜೀಶಾನ ದಂಪತಿಯ ಚಿನ್ನದ ಸರವು ಮುರುಘಾಮಠದಲ್ಲಿ ಕಳೆದುಕೊಂಡಿದ್ದು, ಅದು ಮಠದ ಸಿಬ್ಬಂದಿಯಾದ ತಿಪ್ಪೇಸ್ವಾಮಿಗೆ ಸಿಕ್ಕಿದ್ದು, ಸರವನ್ನು ದಂಪತಿಗೆ ನೀಡುವ ಮೂಲಕ ಪ್ರಾಮಾಣಿಕತೆ ಮೆರೆದಿದ್ದಾರೆ.

ಇದನ್ನೂ ಓದಿ: ನೀರಿನ ಪೈಪ್‌ಲೈನ್ ಮೇಲೆ ಕಣ್ಗಾವಲು | ಜಿಲ್ಲಾ ಪಂಚಾಯಿತಿ ಸಿಇಒ ಎಸ್.ಜೆ.ಸೋಮಶೇಖರ್‌ ಸೂಚನೆ

ರುಕ್ಸಾನಬಾನು ಮತ್ತು ಜೀಶಾನ ದಂಪತಿ ಶ್ರೀಮುರುಘಾಮಠ ನೋಡಿಕೊಂಡು ಆವರಣದ ಸ್ನೇಹ ಉಪಾಹಾರ ಕೆಫೆಗೆ ಹೋಗಿದ್ದಾಗ ಆಕಸ್ಮಿಕವಾಗಿ ತನ್ನ ಕೊರಳಲ್ಲಿದ್ದ ಚಿನ್ನದ ಸರ ಉದುರಿಹೋದ ಬಗ್ಗೆ ಗೊತ್ತಾಗದೆ, ನಂತರ ಎಲ್ಲಾ ಕಡೆ ಹುಡುಕಾಡಿ ಕೊನೆಗೆ ಕೆಫೆಯ ಕೆಲಸಗಾರರನ್ನು ಕೇಳಿದಾಗ ಅವರು, ಇದೆ ಬನ್ನಿ ಎಂದು ಶ್ರೀಮಠದ ಮುಖ್ಯಸ್ಥರ ಗಮನಕ್ಕೆ ತಂದಾಗ ಸರದ ಮೂಲದಾಖಲೆ, ಖರೀದಿಸಿದ ಅಂಗಡಿ, ಅದರ ದರವನ್ನು ಪರಿಶೀಲಿಸಿ ಖಾತರಿಪಡಿಸಿಕೊಂಡು ವಾರಸುದಾರರಿಗೆ ನೀಡಲಾಯಿತು. ಸರದ ಬೆಲೆ ರೂ. 1,26,620 ಆಗಿರುತ್ತದೆ.

ಇದನ್ನೂ ಓದಿ: ಗಾಳಿಯಲ್ಲಿ ಹಾರಿಹೋದ ಬಸ್ ಟಿಕೆಟ್‌ | ನಡು ರಸ್ತೆಯಲ್ಲೇ ಮಹಿಳೆಯನ್ನು ಇಳಿಸಿದ ನಿರ್ವಾಹಕ

ಹಣ, ವಸ್ತು, ಒಡವೆ ಇತ್ಯಾದಿ ಬೆಲೆಬಾಳುವ ವಸ್ತುಗಳನ್ನು ಕಳ್ಳತನ, ದರೋಡೆ ಮಾಡುವ ಪ್ರವೃತ್ತಿ ಒಂದೆಡೆಯಾದರೆ ಅದೇ ವಸ್ತುಗಳನ್ನು ಆಕಸ್ಮಿಕವಾಗಿ ಕಳೆದುಕೊಂಡಾಗ ಸಿಕ್ಕವರು ಮತ್ತೆ ವಾರಸುದಾರರಿಗೆ ಹಿಂತಿರುಗಿಸುವ ಮೂಲಕ ಪ್ರಾಮಾಣಿಕತೆ, ಮಾನವೀಯತೆ ಮೆರೆಯುವ ಮನುಷ್ಯತ್ವದ ಗುಣ ಇರುವವರು ನಮ್ಮ ನಡುವೆ ಇರುವುದು ಸಂತೋಷಪಡುವ ಸಂಗತಿ ಎಂದು ಜಗದ್ಗುರು ಮುರುಘರಾಜೇಂದ್ರ ಬೃಹನ್ಮಠ ಹಾಗೂ ಎಸ್.ಜೆ.ಎಂ. ವಿದ್ಯಾಪೀಠ ಆಡಳಿತ ಮಂಡಳಿಯ ಸದಸ್ಯರಾದ ಡಾ. ಬಸವಕುಮಾರ ಸ್ವಾಮಿಗಳು ಸಂತಸ ವ್ಯಕ್ತಪಡಿಸಿದರು.

ಶ್ರೀಮಠದ ನೌಕರರು ಈ ರೀತಿಯ ಪ್ರಾಮಾಣಿಕತೆ ಮೆರೆದದ್ದು ಮಾದರಿ ನಡೆಯಾಗಿದೆ. ಸರವನ್ನು ವಾರಸುದಾರರಿಗೆ ಹಿಂತಿರಿಗಿಸಿ ಪ್ರಾಮಾಣಿಕತೆ ಮೆರೆದ ಸ್ನೇಹ ಕೆಫೆಯ ತಿಪ್ಪೇಸ್ವಾಮಿಗೆ ಶ್ರೀಮಠದಿಂದ 5000 ರೂ. ನೀಡಿ ಗೌರವಿಸಿದರು.

ಇದನ್ನೂ ಓದಿ: ರೇಣುಕಸ್ವಾಮಿ ಕೊಲೆ ಕೇಸ್‌ | ತಡರಾತ್ರಿ ನಡೆಯಿತು ಸ್ಥಳ ಮಹಜರು

ಈ ಸಂದರ್ಭದಲ್ಲಿ ಸಾಯಿಗಾವದ ಶ್ರೀ ಶಿವಾನಂದ ಸ್ವಾಮಿಗಳು, ಕೇತೇಶ್ವರ ಮಠದ ಶ್ರೀ ಇಮ್ಮಡಿ ಬಸವಕೇತೇಶ್ವರ ಸ್ವಾಮಿಗಳು, ವಿಜಯಪುರದ ಶ್ರೀ ಸಿದ್ಧಲಿಂಗ ಸ್ವಾಮಿಗಳು, ಶ್ರೀಮಠದ ಸಿಬ್ಬಂದಿ ಇದ್ದರು.