Malladihalli Raghavendra Swamiji: ಮಲ್ಲಾಡಿಹಳ್ಳಿಯಲ್ಲಿ ರಾಘವೇಂದ್ರ ಸ್ವಾಮೀಜಿ ಪುಣ್ಯಾರಾಧನೆ | ಬೃಂದಾವನ ದರ್ಶನಕ್ಕೆ ವ್ಯವಸ್ಥೆ

CHITRADURGA NEWS | 31 JULY 2024
ಚಿತ್ರದುರ್ಗ: ರಾಘವೇಂದ್ರ ಸ್ವಾಮೀಜಿ ಹಾಗೂ ಸೂರ್‌ದಾಸ್‌ ಜೀ ಸ್ವಾಮೀಜಿಯ ಪುಣ್ಯಾರಾಧನೆಗೆ ಹೊಳಲ್ಕೆರೆ ತಾಲ್ಲೂಕಿನ ಮಲ್ಲಾಡಿಹಳ್ಳಿಯ (Malladihalli Raghavendra Swamiji) ಅನಾಥ ಸೇವಾಶ್ರಮ ಸಜ್ಜಾಗಿದೆ. ಆ. 1ರಿಂದ 3ರವರೆಗೆ ನಡೆಯುವ ಪುಣ್ಯಾರಾಧನೆಗೆ ಕೊನೆ ಹಂತದ ಸಿದ್ದತೆ ನಡೆಯುತ್ತಿವೆ.

ಆ.1ರಂದು ಸೂರ್‌ದಾಸ್‌ ಜೀ ಸ್ವಾಮೀಜಿ ಅವರ ಬೃಂದಾವನ ಪೂಜೆ ಹಾಗೂ ಭಕ್ತರಿಂದ ದರ್ಶನ ಮತ್ತು ಹರೇ ಶ್ರೀನಿವಾಸ ಭಜನಾ ಮಂಡಳಿಯಿಂದ ಭಜನಾ ಕಾರ್ಯಕ್ರಮ ನಡೆಯಲಿದೆ.

ಇದನ್ನೂ ಓದಿ:ಮತ್ತೆ ಬಂತು ಕರಡಿ | ಗ್ರಾಮಸ್ಥರಲ್ಲಿ ಮನೆ ಮಾಡಿದ ಆತಂಕ

ಆ.2ರಂದು ಬೆಳಿಗ್ಗೆ ಆಶ್ರಮದ ಎಲ್ಲ ಶಾಲಾ, ಕಾಲೇಜುಗಳ ವಿದ್ಯಾರ್ಥಿಗಳಿಗೆ ಪ್ರಬಂಧ ಸ್ಪರ್ಧೆ, ಭಾಷಣ ಸ್ಪರ್ಧೆ ಹಮ್ಮಿಕೊಳ್ಳಲಾಗಿದೆ. ಮಧ್ಯಾಹ್ನ 2ಕ್ಕೆ ಶಿಕ್ಷಕ ತರಬೇತಿ ಸಂಸ್ಥೆಯ ನಿವೃತ್ತ ಪ್ರಾಚಾರ್ಯ ಅ.ಪು.ನಾರಾಯಣಪ್ಪ ಹಾಗೂ ಬಿಪಿ.ಇಡಿ ಕಾಲೇಜಿನ ನಿವೃತ್ತ ಪ್ರಾಚಾರ್ಯ ಎನ್‌.ಎನ್‌.ಶಿವನಗೌಡ ಅವರು ನುಡಿನಮನ ಸಲ್ಲಿಸುವರು. ಆ. 3ರಂದು ರಾಘವೇಂದ್ರ ಸ್ವಾಮೀಜಿಯ ಬೃಂದಾವನ ಪೂಜೆ, ಹೋಮ ಮತ್ತು ಭಕ್ತರಿಗೆ ದರ್ಶನ ವ್ಯವಸ್ಥೆ ಇದೆ.

ಇದನ್ನೂ ಓದಿ: ವಿವಿ ಸಾಗರ ಜಲಾಶಯದ ಇಂದಿನ ನೀರಿನ ಮಟ್ಟ

ಮೂರು ದಿನ ನಡೆಯವ ಕಾರ್ಯಕ್ರಮದಲ್ಲಿ ಅನಾಥ ಸೇವಾಶ್ರಮದ ಉಪಾಧ್ಯಕ್ಷ ರಾಘವೇಂದ್ರ ಪಾಟೀಲ, ಕಾರ್ಯದರ್ಶಿ ಎಸ್‌.ಕೆ.ಬಸವರಾಜನ್‌, ಖಜಾಂಚಿ ಜಿ.ಎನ್‌.ಮಲ್ಲಿಕಾರ್ಜುನಪ್ಪ, ವಿಶ್ವಸ್ತರು, ಆಶ್ರಮದ ಶಾಲಾ, ಕಾಲೇಜುಗಳ ಸಿಬ್ಬಂದಿ ಭಾಗವಹಿಸುವರು ಎಂದು ಆಶ್ರಮದ ವ್ಯವಸ್ಥಾಪಕ ಡಿ.ಕೆ.ಚಂದ್ರಪ್ಪ ತಿಳಿಸಿದ್ದಾರೆ.