ರಾತ್ರಿ ವೇಳೆ ಚಿರತೆ ಪ್ರತ್ಯಕ್ಷ | ಆತಂಕದಲ್ಲಿ ಸಾರ್ವಜನಿಕರು

ಚಿತ್ರದುರ್ಗ ನ್ಯೂಸ್.ಕಾಂ: ಹೊಸದುರ್ಗ ತಾಲೂಕಿನ ವಿವಿಧಡೆ ಚಿರತೆ ಕಾಣಿಸಿಕೊಂಡಿದ್ದು, ಜನರಲ್ಲಿ ಆತಂಕ ಮೂಡಿಸಿದೆ.

ಭಾನುವಾರ ರಾತ್ರಿ 8.30ರ ಸುಮಾರಿಗೆ ಹೊಸದುರ್ಗ ತಾಲೂಕಿನ ಲಕ್ಕಿಹಳ್ಳಿ ಕ್ರಾಸ್ ಬಳಿ ಸಾರ್ವಜನಿಕರಿಗೆ ಕಾಣಿಸಿಕೊಂಡಿದ್ದು, ಬ್ಯಾಟರಿ ಬೆಳಕಿನಲ್ಲಿ ವೀಡಿಯೋ ಕೂಡಾ ಮಾಡಿದ್ದಾರೆ.

ಹೊಸದುರ್ಗ ಗಡಿ ಭಾಗದ, ಹಿರಿಯೂರು ಹೊಸದುರ್ಗ ರಸ್ತೆಯಲ್ಲಿ ವಾಣಿವಿಲಾಸ ಸಾಗರ ಬಳಿಯ ಗ್ರಾಮಗಳಾದ ತಳವಾರಹಟ್ಟಿ ಬಳಿಯೂ ಸಾರ್ವಜನಿಕರಿಗೆ ಚಿರತೆಯ ದರ್ಶನವಾಗಿದೆ.

ಇದನ್ನೂ ಓದಿ: ಹಿರಿಯೂರಿನಲ್ಲಿ ಬೆಳ್ಳಂ ಬೆಳಗ್ಗೆ ಲೋಕಾಯುಕ್ತ ದಾಳಿ

ದಸರಾ ಹಬ್ಬ ಹಾಗೂ ಆನಂತರದ ಎರಡು ದಿನಗಳ ಕಾಲ ಹೊಸದುರ್ಗ ತಾಲೂಕಿನ ಗಡಿ ಗ್ರಾಮ ನಾಕೀಕೆರೆ ಬಳಿಯೂ ಚಿರತೆಯ ಮರಿ ಕಾಣಿಸಿಕೊಂಡಿತ್ತು.

ರಾತ್ರಿ ವೇಳೆ ಈ ಸರಹದ್ದಿನಲ್ಲಿ ಚಿರತೆ ಕಾಣಿಸಿಕೊಳ್ಳುತ್ತಿರುವುದು ರೈತರಿಗೆ ಸಂಕಷ್ಟ ತಂದೊಡ್ಡಿದೆ. ರಾತ್ರಿ ವೇಳೆ ಜಮೀನುಗಳಿಗೆ ತೆರಳಿ ನೀರು ಹಾಯಿಸುವುದು ಚಿರತೆಯ ಭಯದಲ್ಲಿ ಕಷ್ಟವಾಗುತ್ತಿದೆ.