ವಾಯ್ಸ್ ಒಂಥರಾ ಇದೆ ಅಂದವರಿಗೆ ಅಬಕಾರಿ ಆದಾಯದ ಲೆಕ್ಕ ಕೊಟ್ಟ ಗೂಳಿಹಟ್ಟಿ

ಚಿತ್ರದುರ್ಗ ನ್ಯೂಸ್.ಕಾಂ:

ನನ್ನ ವಾಯ್ಸ್ ಒಂಥರಾ ಇರುತ್ತೆ ಅಂತಾ ಮಾಜಿ ಶಾಸಕ ರಾಜೀವ್ ಅವರು ಹೇಳಿದ್ದಾರೆ. ರಾಜೀವಣ್ಣ ನೀವು ಪಿಂಚಣಿ ತೆಗೆದುಕೊಳ್ಳುತ್ತಿರಲ್ಲಾ ಅದು ನಮ್ಮಂಥಾ ಕುಡುಕರಿಂದ ತೆಗೆದುಕೊಳ್ಳುತ್ತಿದ್ದೀರಿ ಎಂದು ಹೊಸದುರ್ಗ ಮಾಜಿ ಶಾಸಕ ಗೂಳಿಹಟ್ಟಿ ಶೇಖರ್ ಪ್ರತಿಕ್ರಿಯಿಸಿದ್ದಾರೆ.

ಈ ಸಂಬಂಧ ಆಡಿಯೋ ಮಾಡಿ ವಾಟ್ಸಪ್ ಸ್ಟೇಟಸ್‍ಗೆ ಹಾಕಿಕೊಂಡಿರುವ ಗೂಳಿಹಟ್ಟಿ ಶೇಖರ್, ಕುಡಿತದಿಂದ ಒಂದು ವರ್ಷಕ್ಕೆ 36 ಸಾವಿರ ಕೋಟಿ ರಾಜ್ಯ ಸರ್ಕಾರಕ್ಕೆ ಆದಾಯವಿದೆ. ನನಗೂ ಪೆನ್ಶನ್ ಬರುತ್ತೆ. ಈ ಹಣ ಬರುವುದು ಇದೇ ಹಣದಿಂದ. ಸರ್ಕಾರ ಮುದ್ರಣ ಮಾಡುವುದಿಲ್ಲ. ಹಾಗಾಗಿ ಲಘುವಾಗಿ ಮಾತನಾಡಬಾರದು ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಮಠ, ಪೀಠದ ಅಧಿಕಾರ ಮರಳಿ ಪಡೆದ ಮುರುಘಾ ಶರಣರು

ರಾಜೀವಣ್ಣ ನಾನು ಗೆದ್ದಿರುವುದು ಸಾಮಾನ್ಯ ಕ್ಷೇತ್ರದಲ್ಲಿ. ನನ್ನ ಸಮುದಾಯ ಈ ಕ್ಷೇತ್ರದಲ್ಲಿ 3-4 ಸಾವಿರ ಇರಬಹುದು ಅಷ್ಟೇ. ಮೀಸಲು ಕ್ಷೇತ್ರದಲ್ಲಿ ಗೆದ್ದಿಲ್ಲ. 38 ವರ್ಷಕ್ಕೆ ನಾನು ಮಂತ್ರಿಯಾಗಿದ್ದೆ. ಮತ್ತೊಬ್ಬರನ್ನು ಮೆಚ್ಚಿಸಲು ನಾನು ರೆಡಿಯಿಲ್ಲ.

35 ವರ್ಷಕ್ಕೆ ನಾನು ಮರ್ಡರ್ ಆಗಬೇಕಿತ್ತು, ಇಲ್ಲ ಆತ್ಮಹತ್ಯೆ ಮಾಡಿಕೊಳ್ಳಬೇಕಿತ್ತು. ಆದರೆ, 55 ವರ್ಷ ಬದುಕಿರುವುದು ಗ್ರೇಟ್ ಎಂದು ಹೇಳಿದ್ದಾರೆ.