ನೀವು ಹಲ್ಲುಜ್ಜುವಾಗ ಈ ತಪ್ಪುಗಳನ್ನು ಮಾಡುತ್ತಿದ್ದರೆ ಎಚ್ಚರ; ಹಲ್ಲು ಹಾಳಾಗಬಹುದು

CHITRADURGA NEWS | 02 APRIL 2025

ಉತ್ತಮ ಬಾಯಿಯ ಆರೋಗ್ಯವನ್ನು ಕಾಪಾಡಿಕೊಳ್ಳುವುದು ಅತಿ ಅಗತ್ಯ. ಯಾಕೆಂದರೆ ಇದು ಹಲ್ಲುಗಳನ್ನು ಕಾಪಾಡುವುದರ ಜೊತೆಗೆ ಇದು ಆರೋಗ್ಯಕರ ಜೀರ್ಣಕ್ರಿಯೆಯನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ.

ಇದನ್ನೂ ಓದಿ: ಖಾಲಿ ಹೊಟ್ಟೆಯಲ್ಲಿ ಈ 5 ಆಹಾರಗಳನ್ನು ಸೇವಿಸುತ್ತೀದ್ದೀರಾ…? ಹುಷಾರು!

ಆದರೆ ಕೆಲವರು ಹಲ್ಲುಜ್ಜುವಾಗ ಮಾಡುವಂತಹ ಕೆಲವು ತಪ್ಪುಗಳು ಬಾಯಿಯ ಆರೋಗ್ಯದ ಮೇಲೆ ಪರಿಣಾಮ ಬೀರಬಹುದು. ನಿಮ್ಮ ಬಾಯಿಯ ಆರೋಗ್ಯವನ್ನು ಕಾಪಾಡಿದರೆ ನಿಮ್ಮ ಹಲ್ಲುಗಳನ್ನು ದೀರ್ಘಕಾಲ ಉಳಿಸಿಕೊಳ್ಳಬಹುದು. ಆದ್ದರಿಂದ, ಹಲ್ಲುಜ್ಜುವಾಗ ಯಾವ ಸಲಹೆಗಳನ್ನು ಪಾಲಿಸಬೇಕು ಎಂಬುದನ್ನು ತಿಳಿಯಿರಿ.

ತುಂಬಾ ಗಟ್ಟಿಯಾಗಿ ಬ್ರಷ್ ಮಾಡುವುದು:

ಹಲ್ಲುಜ್ಜುವಾಗ ಜನರು ಮಾಡುವ ಸಾಮಾನ್ಯ ತಪ್ಪು ಇದು. ಗಟ್ಟಿಯಾಗಿ ಹಲ್ಲುಜ್ಜುವುದರಿಂದ ಹಲ್ಲು ಸ್ವಚ್ಛವಾಗುತ್ತದೆ ಎಂಬುದು ಅವರ ಭಾವನೆ.

ಇದನ್ನೂ ಓದಿ: ನೀವು ಯಾವಾಗಲೂ ಯಂಗ್ ಆಗಿ ಕಾಣಬೇಕೇ…? ಈ ಆಹಾರಗಳನ್ನು ತಪ್ಪದೇ ಸೇವಿಸಿ ನೋಡಿ!

ಹಲ್ಲುಗಳನ್ನು ತುಂಬಾ ಗಟ್ಟಿಯಾಗಿ ಉಜ್ಜುವುದರಿಂದ ಹಲ್ಲಿನ ದಂತಕವಚ ಮತ್ತು ಒಸಡುಗಳು ಹಾಳಾಗಬಹುದು ಮತ್ತು ಹಲ್ಲಿನ ಸೂಕ್ಷ್ಮತೆಗೆ ಕಾರಣವಾಗಬಹುದು.

ಬ್ರಷ್ ಅನ್ನು ನಿಯಮಿತವಾಗಿ ಬದಲಾಯಿಸದಿರುವುದು:

ಹೆಚ್ಚಿನ ಜನರು ತಮ್ಮ ಟೂತ್ ಬ್ರಷ್ ಅನ್ನು ವರ್ಷಕ್ಕೆ ಎರಡು ಬಾರಿ ಬದಲಾಯಿಸುತ್ತಾರೆ. ಆದರೆ ಹಾಗೇ ಮಾಡಿದರೆ ಸಾಕಾಗುವುದಿಲ್ಲ. ದಂತವೈದ್ಯರು ಪ್ರತಿ ಮೂರು ತಿಂಗಳಿಗೊಮ್ಮೆ ನಿಮ್ಮ ಟೂತ್ ಬ್ರಷ್ ಅನ್ನು ಬದಲಾಯಿಸಲು ಶಿಫಾರಸು ಮಾಡುತ್ತಾರೆ.

ಇದನ್ನೂ ಓದಿ: ಬೇಸಿಗೆಯಲ್ಲಿ ಕಣ್ಣುಗಳು ಸೋಂಕಿಗೊಳಗಾಗುವುದನ್ನು ತಪ್ಪಿಸಲು ವೈದ್ಯರು ಹೇಳಿದ ಈ ಸಲಹೆ ಪಾಲಿಸಿರಿ

ಟೂತ್ ಬ್ರಷ್ ಅನ್ನು ಹೆಚ್ಚು ಸಮಯದವರೆಗೆ ಬಳಸುವುದು ಆರೋಗ್ಯಕರವಲ್ಲ. ಯಾಕೆಂದರೆ ಬ್ರಷ್ ಸಾಮಾನ್ಯವಾಗಿ ಮೂರು ತಿಂಗಳ ನಂತರ ಅದರ ಪರಿಣಾಮಕಾರಿತ್ವವನ್ನು ಕಳೆದುಕೊಳ್ಳುತ್ತದೆ.

ಬೆಳಿಗ್ಗೆ ಮಾತ್ರ ಬ್ರಷ್ ಮಾಡುವುದು:

ಬಾಯಿಯ ದುರ್ವಾಸನೆಯನ್ನು ನಿವಾರಿಸಲು ಅನೇಕ ಜನರು ಬೆಳಿಗ್ಗೆ ಮಾತ್ರ ಬ್ರಷ್ ಮಾಡುತ್ತಾರೆ. ಆದರೆ ದಿನವಿಡೀ ತಿಂದ ಆಹಾರದ ಅವಶೇಷಗಳು ಹಲ್ಲುಗಳ ಮೇಲೆ ಮತ್ತು ನಡುವೆ ಸಿಲುಕಿಕೊಂಡಿರುತ್ತವೆ. ಹಾಗಾಗಿ ರಾತ್ರಿ ಮಲಗುವ ಮುನ್ನ ಹಲ್ಲುಜ್ಜಿ ಮಲಗಿದರೆ ಒಳ್ಳೆಯದು.

ಹಲ್ಲುಜ್ಜುವಾಗ ತಪ್ಪಾದ ಟೂತ್ ಪೇಸ್ಟ್ ಬಳಸುವುದು:

ಮಾರುಕಟ್ಟೆಯಲ್ಲಿ ಅನೇಕ ವಿಧದ ಟೂತ್ ಪೇಸ್ಟ್ ಬ್ರಾಂಡ್ಗಳು ಲಭ್ಯವಿವೆ. ಮತ್ತು ಯಾವುದನ್ನು ತೆಗೆದುಕೊಳ್ಳಬೇಕು ಎಂದು ತಿಳಿಯುವುದು ಕಷ್ಟ. ಇವೆಲ್ಲವೂ ಉತ್ತಮವಾದ ಟೂತ್ ಪೇಸ್ಟ್ ಅಲ್ಲ.

ಇದನ್ನೂ ಓದಿ: Astrology: ದಿನ ಭವಿಷ್ಯ | ಏಪ್ರಿಲ್ 02 | ನಿರುದ್ಯೋಗಿಗಳಿಗೆ ಹೊಸ ಉದ್ಯೋಗಾವಕಾಶಗಳು, ದೂರದ ಪ್ರಯಾಣ ಬೇಡ

ಆದರೆ  ಫ್ಲೋರೈಡ್ ಹೊಂದಿರುವ ಟೂತ್ಪೇಸ್ಟ್ ಹಲ್ಲಿನ ಆರೋಗ್ಯಕ್ಕೆ ಒಳ್ಳೆಯದು. ಯಾಕೆಂದರೆ ದಂತಕ್ಷಯವನ್ನು ತಡೆಗಟ್ಟುವಲ್ಲಿ  ಫ್ಲೋರೈಡ್ ಸಹಕಾರಿಯಾಗಿದೆ.

ನಾಲಿಗೆಯನ್ನು ಸ್ವಚ್ಛಗೊಳಿಸುವುದಿಲ್ಲ :

ನಾಲಿಗೆಯಲ್ಲಿ ರೋಗಾಣುಗಳು ಹೆಚ್ಚು ಸಂಗ್ರಹವಾಗುತ್ತವೆ. ಮತ್ತು ಇದು ಬಾಯಿಯ ದುರ್ವಾಸನೆಗೆ ಕಾರಣವಾಗಿದೆ. ನೀವು ಬ್ರಷ್ ಮಾಡಿದ ನಂತರ, ನಿಮ್ಮ ನಾಲಿಗೆಯನ್ನು ಸ್ವಚ್ಛಗೊಳಿಸಲು ಟಂಗ್ ಕ್ಲೀನರ್ ಬಳಸಿ.

ಇದನ್ನೂ ಓದಿ: ಗರ್ಭಿಣಿ ಮಹಿಳೆಯರಿಗೆ ಆರೋಗ್ಯ ಇಲಾಖೆಯ ಹೊಸ ಯೋಜನೆ | ವಿವರ ಇಲ್ಲಿದೆ

ಇದು ನಿಮ್ಮ ಬಾಯಿಯಲ್ಲಿರುವ ಸೂಕ್ಷ್ಮಜೀವಿಗಳನ್ನು ಕಡಿಮೆ ಮಾಡುತ್ತದೆ ಮತ್ತು ಇದು ಬಾಯಿಯ ವಾಸನೆಯನ್ನು ತಡೆಯುತ್ತದೆ.