ಬಿಗ್‌ ಬಾಸ್ ನಲ್ಲಿ ‘ಡಿ’ ಬಾಸ್‌ ಗ್ಯಾಂಗ್‌ !

CHITRADURGA NEWS | 17 JUNE 2024
ಚಿತ್ರದುರ್ಗ:‌ ರೇಣುಕಸ್ವಾಮಿ‌ ಕೊಲೆ ಹಾಗೂ ಕಿಡ್ನ್ಯಾಪ್ ಪ್ರಕರಣದಲ್ಲಿ ಅಂದರ್ ಆಗಿರುವ ‘ಡಿ’ ಬಾಸ್‌ ಗ್ಯಾಂಗ್ ಅನ್ನು ವಿಚಾರಣೆಗಾಗಿ ಚಿತ್ರದುರ್ಗಕ್ಕೆ ಕರೆತರಲಾಗಿದೆ‌. ಸದ್ಯ ಈ ನಟೋರಿಯಸ್‌ ಗ್ಯಾಂಗ್‌ ಬಿಗ್‌ಬಾಸ್ ನಲ್ಲಿ ವಾಸ್ತವ್ಯ ಹೂಡಿದೆ.

ಚಿತ್ರದುರ್ಗದ ದರ್ಶನ್ ತೂಗುದೀಪ ಅಭಿಮಾನಿ ಸಂಘದ ಅಧ್ಯಕ್ಷ ರಾಘವೇಂದ್ರ, ಆಟೋ ಚಾಲಕರಾದ ಅನುಕುಮಾರ್, ಜಗದೀಶ್ ಹಾಗೂ ಕಾರು ಚಾಲಕ ರವಿಶಂಕರ್ ಅವರನ್ನು ಸ್ಥಳ ಮಹಜರ್ ನಡೆಸಲು ಭಾನುವಾರ ಚಿತ್ರದುರ್ಗಕ್ಕೆ ಕರೆತರಲಾಗಿತ್ತು.

ಕ್ಲಿಕ್ ಮಾಡಿ ಓದಿ: ಪ್ರಧಾನಿ ನರೇಂದ್ರ ಮೋದಿ ಪ್ರತಿನಿಧಿಯಾಗಿ ಕೆಲಸ ಮಾಡ್ತಿನಿ | ಸಂಸದ ಗೋವಿಂದ ಎಂ.ಕಾರಜೋಳ

ಈ ನಾಲ್ವರ ಜೊತೆಗೆ ಬೆಂಗಳೂರಿನ ಕಾಮಾಕ್ಷಿಪಾಳ್ಯ ಪೊಲೀಸರು ಬಂದಿದ್ದು, ಎಲ್ಲರೂ ಚಿತ್ರದುರ್ಗದ ಜೆಎಂಐಟಿ ವೃತ್ತದ ರಾಷ್ಟ್ರಿಯ ಹೆದ್ದಾರಿ ಪಕ್ಕದಲ್ಲಿರುವ ಬಿಗ್‌ಬಾಸ್ ಹೋಟೆಲ್ ನಲ್ಲಿ ಉಳಿದುಕೊಂಡಿದ್ದಾರೆ. ಭಾನುವಾರ ಹಾಗೂ ಸೋಮವಾರ ಎರಡು ರಾತ್ರಿ ‘ಡಿ’ ಬಾಸ್‌ ನಟೋರಿಯಸ್‌ ಗ್ಯಾಂಗ್ ಬಿಗ್‌ಬಾಸ್ ಹೋಟೆಲ್ ನಲ್ಲಿ ಬೀಡು ಬಿಟ್ಟಿರುವುದು ವಿಶೇಷವಾಗಿದೆ.

ಕ್ಲಿಕ್ ಮಾಡಿ ಓದಿ: ಗ್ಯಾರೆಂಟಿಗೆ ಹಣ ಹೊಂದಿಸಲು ಸರ್ಕಸ್ | ಸಂಸದ ಗೋವಿಂದ ಎಂ.ಕಾರಜೋಳ ವಾಗ್ದಾಳಿ

ಸೋಮವಾರ ಕೂಡಾ ಕೃತ್ಯ ನಡೆದ ವಿವಿಧ ಸ್ಥಳಗಳಲ್ಲಿ ಪಂಚನಾಮೆ ಮುಂದುವರೆಯಲಿದ್ದು, ರೇಣುಕಸ್ವಾಮಿ ಸ್ಕೂಟಿ ನಿಲ್ಲಿಸಿದ್ದ ಬಾಲಾಜಿ ಬಾರ್ ಮುಂಭಾಗ, ಕುಂಚಿಗನಾಳು ಬಳಿಯ ಜಗಳೂರು ಮಹಾಲಿಂಗಪ್ಪ ಪೆಟ್ರೋಲ್ ಬಂಕ್ ಬಳಿ ಮಹಜರು ನಡೆಯಲಿದೆ. ಬಳಿಕ ಆರೋಪಿಗಳನ್ನು ಬೆಂಗಳೂರಿಗೆ ಕರೆದೊಯ್ಯಲಿದ್ದಾರೆ ಎಂಬ ಮಾಹಿತಿ ತಿಳಿದು ಬಂದಿದೆ.