ಇದೇ ನೋಡಿ‌ ಚಿತ್ರದುರ್ಗ ಮೆಡಿಕಲ್‌ ಕಾಲೇಜಿನ ಮೊದಲ ಬ್ಯಾಚ್

ಚಿತ್ರದುರ್ಗ ನ್ಯೂಸ್. ಕಾಂ: ಕನಸು ಸಾಕಾರಗೊಂಡ ಸಂದರ್ಭ ಇದೆ. ಅಂತೂ ಇಂತೂ‌ ಚಿತ್ರದುರ್ಗದ ಸರ್ಕಾರಿ ಮೆಡಿಕಲ್ ಕಾಲೇಜು ಅಧಿಕೃತವಾಗಿ ಆರಂಭವಾಗಿದೆ.

ಜಿಲ್ಲಾ ಪಂಚಾಯಿತಿ ಸಭಾಂಗಣದಲ್ಲಿ ಗುರುವಾರ ಬೆಳಗ್ಗೆ ಚಿತ್ರದುರ್ಗ ಮೆಡಿಕಲ್ ಕಾಲೇಜು ಮತ್ತು ಸಂಶೋಧನಾ ಸಂಸ್ಥೆಯ ಮೊದಲ ಬ್ಯಾಚಿನ ಎಂಬಿಬಿಎಸ್ ವಿದ್ಯಾರ್ಥಿಗಳಿಗೆ ಕೋರ್ಸ್ ಗಳ ಪರಿಚಯ ಕಾರ್ಯಕ್ರಮ ನಡೆಯಿತು.

ಚಿತ್ರದುರ್ಗ ಮೆಡಿಕಲ್ ಕಾಲೇಜಿನ ವಿಶೇಷಾಧಿಕಾರಿ‌ಡಾ.ಯುವರಾಜ್ ಮಾತನಾಡಿದರು

ಮೊದಲ ವರ್ಷದ 150 ವಿದ್ಯಾರ್ಥಿಗಳು ಹಾಗೂ ಅವರ ಪೋಷಕರು ಸಂಭ್ರಮದಿಂದ ಭಾಗವಹಿಸಿದ್ದರು.

ಚಿತ್ರದುರ್ಗ ಮೆಡಿಕಲ್ ಕಾಲೇಜಿನ ವಿಶೇಷಾಧಿಕಾರಿ ಡಾ.ಯುವರಾಜ್ ಮಾತನಾಡುತ್ತಾ, ಇದೊಂದು‌ ಧನ್ಯತೆಯ ಕ್ಷಣ. ಇಂಥದ್ದೊಂದು ಸಂದರ್ಭಕ್ಕಾಗಿ ವರ್ಷಗಳಿಂದ ತವಕಿಸುತ್ತಿದ್ದೆವು. ಆ ದಿನ ಬಂದೇ ಬಿಟ್ಟಿದೆ. ಇದಕ್ಕೆ ನೀವೆಲ್ಲರೂ ಸಾಕ್ಚಿಯಾಗಿದ್ದೀರಿ ಎಂದು ಸಂಭ್ರಮಿಸಿದರು.